National / 18મી લોકસભાનું ચોમાસુ સત્ર 46 દિવસથી બેઠક વિના, 1987 પછીનું ત્રીજું સૌથી લાંબું ‘એડજર્નમેન્ટ સિને ડાઇ’

18મી લોકસભાનું ચોમાસુ સત્ર સતત લાંબા સમય સુધી બેઠક વિના રહેવાના કારણે સંસદીય ઈતિહાસમાં નોંધપાત્ર બની ગયું છે. 46 દિવસ અને ગણતરી ચાલુ હોવા સાથે આ સત્ર 1987 પછીનું ત્રીજું સૌથી લાંબું ‘એડજર્નમેન્ટ સિને ડાઇ’ બન્યું છે. ‘સિને ડાઇ’નો અર્થ છે કે ગૃહની આગામી બેઠકની કોઈ ચોક્કસ તારીખ નક્કી કર્યા વિના કાર્યવાહી સ્થગિત કરવી.

ચોમાસુ સત્ર ૨૦ જુલાઈએ શરૂ થયું હતું અને 13 ઓગસ્ટે સિને ડાઇ સ્થગિત કરવામાં આવ્યું હતું. આ સત્ર દરમિયાન નીટ પેપર લીક, રામ મંદિર પરિસરમાં કથિત ચોરી અને કેન્દ્રીય ગૃહપ્રધાન અમિત શાહના રાજીનામાની માગ સહિત અનેક મુદ્દે વિપક્ષના વિરોધને કારણે કાર્યવાહી વારંવાર ખોરવાઈ હતી.

‘સિને ડાઇ’ એડજર્નમેન્ટ

સંસદીય રેકોર્ડ મુજબ સૌથી લાંબું ‘સિને ડાઇ’ એડજર્નમેન્ટ 12 મે 1987 થી 27 જુલાઈ 1987 સુધી 76 દિવસ ચાલ્યું હતું. તે સમયની આઠમી લોકસભામાં બોફોર્સ વિવાદની પૃષ્ઠભૂમિમાં કાર્યવાહી લાંબા સમય સુધી અટકી હતી. બીજું સૌથી લાંબું એડજર્નમેન્ટ 1989માં 61 દિવસનું હતું. આ સમયગાળો પણ બોફોર્સ મુદ્દે રાજકીય ખેંચતાણ વચ્ચે આવ્યો હતો.

આ પણ વાંચો : મહારાષ્ટ્રના તુલસી ગામમાં ખેડૂતોનો અનોખો વિરોધ, 25 વર્ષથી સિંચાઈનું પાણી ન મળતાં લગાવ્યાં ‘ગામ વેચાણ માટે છે’નાં પોસ્ટર

૨૦૨૩નું ચોમાસુ સત્ર 20 જુલાઈથી ૨૧ ઓગસ્ટ સુધી ચાલ્યું હતું અને તેમાં 21બેઠકો યોજાઈ હતી. ત્યાર બાદ ગૃહને બીજા દિવસે સિને ડાઇ સ્થગિત કરવામાં આવ્યું હતું. સંવિધાનની કલમ 85(૨) હેઠળ રાષ્ટ્રપતિ સંસદના સત્રનું પ્રોરોગેશન કરે છે. તેનાથી સત્રનો ઔપચારિક અંત આવે છે. બીજી તરફ, એડજર્નમેન્ટ સિને ડાઇમાં ગૃહની બેઠકને અનિશ્ચિત સમય માટે સ્થગિત કરવામાં આવે છે, પરંતુ સત્રનું ઔપચારિક સમાપન જરૂરી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ