7 ફોટો ગેલેરી

વરસાદની આગાહી / હાથીયા ગાજવીજ સાથે વરસાદ વરસે તો આવતા વર્ષે કેવું ચોમાસું રહેશે? અંબાલાલ પટેલે આવી સંભાવના વ્યક્ત કરી

Reported By: Mehul Desai

Last Updated: 12:27 PM, 28 September 2026

FOLLOW ON

શેર કરો

હવામાન નિષ્ણાંત અંબાલાલ પટેલે 5 ઓક્ટોબર સુધી ગુજરાતમાં ગાજવીજ સાથે વરસાદની આગાહી કરી છે.

1/7

1. હવામાન નિષ્ણાંત અંબાલાલ પટેલની આગાહી

રાજ્યમાં ફરી એક વખત હવામાનમાં પલટો આવવાની આગાહી કરવામાં આવી છે. હવામાન નિષ્ણાત અંબાલાલ પટેલના જણાવ્યા મુજબ આજથી ગુજરાતના કેટલાક વિસ્તારોમાં ગાજવીજ સાથે વરસાદ પડી શકે છે. ખાસ કરીને દક્ષિણ ગુજરાત અને દક્ષિણ સૌરાષ્ટ્રના કેટલાક ભાગોમાં વરસાદની શક્યતા વ્યક્ત કરવામાં આવી છે.

આ તસવીર શેર કરો

2/7

2. 5 ઓક્ટોબર સુધી ગાજવીજ સાથે ‘હાથીયો’ વરસાદ થવાની શક્યતા

અંબાલાલ પટેલના જણાવ્યા પ્રમાણે, 5 ઓક્ટોબર સુધી ગાજવીજ સાથે ‘હાથીયો’ વરસાદ થવાની શક્યતા છે. લોકવાયકા મુજબ હાથીયો ગાજવીજ સાથે વરસે તો આગામી વર્ષના વરસાદ અંગેના સંકેતો જોવા મળે છે. તેમણે એમ પણ જણાવ્યું છે કે હાથીયો ગર્જે ત્યારે તીડ ભાગી જતા હોવાની લોકમાન્યતા છે.

આ તસવીર શેર કરો

3/7

3. વરસાદ સાથે ગરમીમાં પણ વધારો થઈ શકે

રાજ્યમાં એક તરફ વરસાદની સંભાવના છે, તો બીજી તરફ ગરમીમાં પણ વધારો થવાની આગાહી છે. કેટલાક વિસ્તારોમાં મહત્તમ તાપમાન 40 ડિગ્રી સેલ્સિયસ સુધી પહોંચી શકે છે. એટલે આગામી દિવસોમાં રાજ્યમાં વરસાદ અને ઉકળાટ બંનેનો અનુભવ થઈ શકે છે.

આ તસવીર શેર કરો

4/7

4. 11 ઓક્ટોબરે સૂર્ય ચિત્રા નક્ષત્રમાં પ્રવેશશે

અંબાલાલ પટેલના જણાવ્યા મુજબ 11 ઓક્ટોબરે સૂર્ય ચિત્રા નક્ષત્રમાં પ્રવેશ કરશે. નવરાત્રિની શરૂઆતના સમયગાળામાં પ્રથમ બે દિવસ કેટલાક વિસ્તારોમાં વાદળછાયું વાતાવરણ રહેવાની શક્યતા છે.

આ તસવીર શેર કરો

5/7

5. 13થી 15 ઓક્ટોબર દરમિયાન દક્ષિણ ગુજરાતમાં પલટાની શક્યતા

આગાહી મુજબ 13થી 15 ઓક્ટોબર દરમિયાન દક્ષિણ ગુજરાતમાં હવામાનમાં પલટો જોવા મળી શકે છે. ત્યારબાદ 15 ઓક્ટોબરથી ગુજરાતના અન્ય કેટલાક ભાગોમાં પણ હવામાન બદલાઈ શકે છે.

આ તસવીર શેર કરો

6/7

6. 16 ઓક્ટોબરથી કેટલાક વિસ્તારોમાં વરસાદની સંભાવના

16 ઓક્ટોબરથી કેટલાક વિસ્તારોમાં વરસાદની સંભાવના વ્યક્ત કરવામાં આવી છે. જ્યારે 17 ઓક્ટોબરે દરિયાકાંઠાના વિસ્તારોમાં ભારે પવન ફૂંકાવા સાથે દરિયામાં ઊંચા મોજા ઉછળવાની શક્યતા હોવાનું જણાવાયું છે.

આ તસવીર શેર કરો

7/7

7. 23 ઓક્ટોબરથી હેમંત ઋતુની શરૂઆત

અંબાલાલ પટેલના જણાવ્યા અનુસાર 23 ઓક્ટોબરથી હેમંત ઋતુની શરૂઆત થવાની શક્યતા છે. આગામી દિવસોમાં હવામાનમાં જોવા મળનારા આ ફેરફારોને કારણે રાજ્યના અલગ-અલગ વિસ્તારોમાં વરસાદ, વાદળછાયું વાતાવરણ અને ગરમીનો મિશ્ર અનુભવ થઈ શકે છે.

આ તસવીર શેર કરો

સંકળાયેલા મુદ્દાઓ

Gujarat Rain Forecast Ambalal Patel Weather Forecast Gujarat Weather Forecast