ગુજરાત / રાજકોટમાં લીંબુના ભાવમાં તોતિંગ વધારો, 80 રૂપિયે મળતા લીંબુનો ભાવ અચાનક 400 રૂપિયાને પાર

ઉનાળામાં લીંબુના ભાવ વધે તે સામાન્ય વાત છે, પરંતુ અત્યારે રાજકોટના શાકભાજી બજારમાં લીંબુના ભાવ સાંભળીને ગ્રાહકો પણ ચોંકી રહ્યા છે. જે લીંબુ દોઢ મહિના પહેલાં માત્ર રૂ. 80 પ્રતિ કિલોના ભાવે વેચાતા હતા, તેના ભાવ હવે રૂ. 400ને પાર પહોંચી ગયા છે. છેલ્લા 15 દિવસમાં લીંબુના ભાવમાં તોતિંગ વધારો નોંધાયો છે. લીંબુની વધતી ડિમાન્ડ અને બજારમાં માલની અછતને કારણે ભાવમાં સતત ઉછાળો જોવા મળી રહ્યો છે. બીજી તરફ વેપારીઓના જણાવ્યા પ્રમાણે દિવાળી સુધી લીંબુના ભાવમાં ઘટાડો થવાની શક્યતા ઓછી છે. હવે નવી આવક શરૂ થયા બાદ જ લીંબુના ભાવમાં ઘટાડો થવાની આશા છે.

રાજકોટમાં લીંબુના ભાવમાં મોટો ઉછાળો

રાજકોટના શાકભાજી બજારમાં લીંબુના ભાવમાં છેલ્લા કેટલાક દિવસોથી સતત વધારો થઈ રહ્યો છે. દોઢ મહિના પહેલાં એક કિલો લીંબુ રૂ. 80માં મળતા હતા, પરંતુ હવે તેના ભાવ રૂ. 300થી લઈને રૂ. 400 સુધી પહોંચી ગયા છે. છેલ્લા 15 દિવસમાં લીંબુના ભાવમાં મોટો વધારો થયો છે. લીંબુની ડિમાન્ડમાં વધારો અને બજારમાં માલની અછતને કારણે ભાવ ઊંચા ગયા છે. મોંઘા લીંબુના કારણે સામાન્ય ગ્રાહકોને મુશ્કેલીનો સામનો કરવો પડી રહ્યો છે. ઊંચા ભાવને કારણે ગ્રાહકોના દાંત ખાટા થઈ રહ્યા છે.

વરસાદના અભાવે લીંબુની આવકમાં ઘટાડો

લીંબુના વેપારીઓના જણાવ્યા પ્રમાણે આ વખતે વરસાદ ન થવાને કારણે લીંબુના પાક પર અસર પડી છે. વરસાદના અભાવે લીંબુડીમાં પૂરતી ઉપજ થઈ નથી અને બજારમાં લીંબુની આવક ઘટી ગઈ છે. જેના કારણે ભાવમાં વધારો જોવા મળી રહ્યો છે. લીંબુના વેપારી આશિષભાઈ કાપોડિયા, ગુબેલી શાક માર્કેટના જણાવ્યા પ્રમાણે અત્યારે લીંબુના ભાવ રૂ. 300થી સાડા રૂ. 300 સુધી ચાલી રહ્યા છે. તેમણે જણાવ્યું કે ગયા વખતે વરસાદ થયો હતો ત્યારે લીંબુના ભાવ રૂ. 25થી 30 પ્રતિ કિલો હતા. આ વખતે વરસાદ ન થવાને કારણે લીંબુડીમાં પૂરતી ઉપજ થઈ નથી અને તેના કારણે ભાવમાં વધારો થયો છે.

ભાદરવામાં રૂ. 200થી 250 ભાવ હોય, આ વખતે રૂ. 400 સુધી પહોંચ્યા

વેપારીના જણાવ્યા પ્રમાણે સામાન્ય રીતે ભાદરવા મહિનામાં લીંબુના ભાવ વધુમાં વધુ રૂ. 200થી 250 પ્રતિ કિલો સુધી રહેતા હોય છે. પરંતુ આ વખતે લીંબુના ભાવ રૂ. 300, સાડા રૂ. 300 અને કેટલીક જગ્યાએ રૂ. 400 સુધી પહોંચી ગયા છે. બજારમાં લીંબુની આવકમાં મોટો ઘટાડો થયો છે. અગાઉ યાર્ડમાં એક સમયે 50થી 60 બાચકા લીંબુ આવતા હતા, જ્યારે અત્યારે માત્ર 10થી 10 બાચકા જ આવી રહ્યા છે. ઓછી આવકને કારણે બજારમાં લીંબુની અછત સર્જાઈ છે.

ગ્રાહકોને સસ્તા લીંબુ જોઈએ, પરંતુ આવક ઓછી

લીંબુના ઊંચા ભાવને કારણે ગ્રાહકો સસ્તા લીંબુની માંગ કરી રહ્યા છે. ગ્રાહકોને એક કિલો લીંબુ રૂ. 200થી 250માં જોઈએ છે, પરંતુ બજારમાં હાલ તેવા ભાવે લીંબુ ઉપલબ્ધ નથી. વેપારીના જણાવ્યા પ્રમાણે ગ્રાહકો સસ્તા લીંબુ ઈચ્છે છે, પરંતુ બજારમાં આવક ઓછી હોવાથી સસ્તા ભાવે લીંબુ આપવાનું મુશ્કેલ બની રહ્યું છે. તેમણે જણાવ્યું કે આ વખતે ચોમાસામાં લીંબુડીમાં પૂરતી ઉપજ થઈ નથી. જેના કારણે કાચા લીંબુ જ વધુ જોવા મળી રહ્યા છે અને પીળા લીંબુ બજારમાં આવતા નથી.

આ પણ વાંચો : મારવાડી યુનિવર્સિટીમાં વિદ્યાર્થીના આપઘાત મામલે મોટા સમાચાર, ABVPએ લગાવ્યા ગંભીર આક્ષેપ, યુનિવર્સિટીની બેદરકારીએ જીવ ગયો

દિવાળી સુધી ભાવ ઘટવાની શક્યતા ઓછી

લીંબુના ભાવમાં આગામી દિવસોમાં ઘટાડો થશે કે વધારો, તે અંગે અત્યારે કંઈ નક્કી કહી શકાય તેમ નથી. વેપારીઓના જણાવ્યા પ્રમાણે હાલ બજારમાં લીંબુની આવક ઓછી છે, જેના કારણે ભાવમાં વધારો થવાની શક્યતા પણ નકારી શકાય નહીં. દિવાળી સુધી લીંબુના ભાવમાં ઘટાડો થવાની શક્યતા ઓછી છે. નવી આવક શરૂ થયા બાદ જ લીંબુના ભાવમાં ઘટાડો થવાની આશા છે. ત્યાં સુધી ગ્રાહકોએ ઊંચા ભાવે લીંબુ ખરીદવા પડે તેવી સ્થિતિ જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ