મનોરંજન / Bigg Boss 19માં ચોંકાવનારૂ એલિમિનેશન, 30 મિલિયન ફોલોવર્સ છતાં દિગ્ગજ સ્પધર્ક બહાર

'બિગ બોસ 19'ના આ સપ્તાહના 'વીકેન્ડ કા વાર' એપિસોડે દર્શકોને સંપૂર્ણ મનોરંજન આપ્યું હતું. હોસ્ટ સલમાન ખાનના એનર્જીથી ભરેલા ડાન્સ પર્ફોર્મન્સથી શરૂ થયેલ આ એપિસોડમાં ડ્રામા, હાસ્ય અને ભાવનાઓનો પુર રહેતો જોવામાં આવ્યો. એપિસોડની સૌથી મોટો હાઈલાઈટ રહ્યું આવેઝ દરબારનું અણધારેલું એવિક્શન, જેણે સમગ્ર ઘરના વાતાવરણને બદલીને રાખી દીધું હતું.

શરૂઆતમાં 'સની સંસ્કારી કી તુલસી કુમારી' ફિલ્મની સ્ટારકાસ્ટ – વરુણ ધવન, જાહ્નવી કપૂર, સાન્યા મલ્હોત્રા, રોહિત સરાફ અને મનીષ પોલ એ શોમાં હાજરી આપી. તેમણે કન્ટેસ્ટન્ટ્સ સાથે મસ્તીભર્યું શાયરી ગેમ રમી અને સલમાન ખાનને ફિલ્મના હિટ સોંગ્સ ‘પનવાડી’ અને ‘બિઝુરિયા’ના હુક સ્ટેપ શીખવ્યા. સલમાને પણ મસ્તીભર્યા અંદાજમાં તમામ સ્ટાર્સ સાથે ડાન્સ કરીને શોને બોલિવુડી રંગમાં રંગી દીધો.

શોમાં એવિક્શનના મુદ્દે ભારે ભાવનાત્મક પળો જોવા મળ્યા. આ અઠવાડિયે નામાંકિત પાંચ કન્ટેસ્ટન્ટ્સ ગૌરવ ખન્ના, મૃદુલ તિવારી, અશ્નૂર કૌર, પ્રણિત મોરે અને આવેઝ દરબારમાંથી, સૌથી ઓછા વોટ્સ મળવાને કારણે આવેઝને ઘરની બહાર જવું પડ્યું. આવેઝના ગયા બાદ તેનો ગ્રુપ ખાસ કરીને નેહલ ચૂડાસમા, અભિષેક બજાજ અને પ્રણિત મોરે ખુબ ભાવુક થઈ ગયા. અભિષેકે સ્પષ્ટ શબ્દોમાં કહ્યું, "હું એને વારંવાર કહતો કે કંઈક કર, નહીં તો તને ખાઈ જશે. પણ એ બધું જોઈ રહ્યો હતો." ગૌહાર ખાન ખાસ ગેસ્ટ તરીકે શોમાં આવી અને તેણીએ પોતાના પતિ આવેઝ દરબારના ગેમપ્લે પર ખુલ્લેઆમ ટીકા કરી. તેણે કહ્યું કે આવેઝે વધુ દેખાવ કરવો જોઈએ અને પોતાના મુદ્દાઓ પર ઊંચી અવાજે બોલવું જોઈએ.

સલમાને પણ આવેઝને કહ્યું કે જો તું પોતાને મદદ કરે તો હું પણ મદદ કરી શકું. આ ટીકાઓ પછી આવેઝ ખૂબ ભાવુક થઈ ગયો અને આમલ મલિક સાથે તેના તણાવે દૃશ્ય ઊભું કર્યું. એપિસોડના બીજા ભાગમાં ‘બિગ બોસ ઓટીટી 2’ના ફેમ અભિષેક મલ્હાન અને કોમેડિયન હર્ષ ગુજરાલે શોમાં હાજરી આપી. અભિષેકે તાન્યા મિત્તલ પર રમૂજી ટીકા કરતા કહ્યું કે "ફેંકવામાં તાન્યા સરસ છે." હર્ષે દરેક હાઉસમેટ્સને ફન રોસ્ટિંગ દ્વારા હસાવ્યા, ખાસ કરીને મૃદુલને ટિપ્પણી આપી કે તે થોડી વધુ એક્ટિવ થવી જોઈએ.

વધુમાં વાંચો: કનકાઈ માતાજીનું 18 સ્થંભ ધરાવતું સૌરાષ્ટ્રનું સૌપ્રથમ મંદિર, ભક્તની અનોખી ભક્તિની પૂરી છે સાક્ષી

તાન્યા મિત્તલ પણ ભાવુક બની ગઈ જ્યારે તેને જાણવા મળ્યું કે આમલ મલિકે તેના વિશે વિવાદાસ્પદ ટિપ્પણીઓ કરી હતી. આવેઝના એવિક્શનથી શોનું ડાયનેમિક્સ બદલાય તેવું લાગી રહ્યું છે અને હવે દર્શકો ને આગામી એપિસોડની આતુરતા છે. ‘બિગ બોસ 19’ હવે વધુ રસપ્રદ વળાંક તરફ વધી રહ્યો છે, જ્યાં દરેક દિવસે નવા ટ્વિસ્ટ્સ અને સરપ્રાઈઝિસની આશા છે. આ શો હજુ પણ દર્શકોને ટીવી સ્ક્રીન સામે ચોંટાડી રાખે છે અને આગામી વીકેન્ડના 'વાર' માટે ઉત્સાહિત બનાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ