વિશ્વ / ટ્વિટર ડીલ બાદ કંગાળ થઈ રહ્યા છે Elon Musk? ફરી વેચ્યા Teslaના આટલા શેર

• ટ્વિટર ડીલ બાદ મસ્કને થઇ રહ્યો છે ઘાટો?
• ટેસ્લા કંપનીનાં શેર ફરી વેંચી રહ્યાં છે એલોન મસ્ક
• ટેસ્લાનાં શેરનો ભાવ ઘટીને થઇ ગયો છે અડધો

દુનિયાનાં બીજાં સૌથી ધનીક વ્યક્તિ અને અરબોપતિ એલોન મસ્ક નવી  Twitter Dealથી શું ઘાટામાં જઇ રહ્યાં છે?  તેમણે ફરી એકવાર પોતાની ઇલેક્ટ્રીક કાર કંપની ટેસ્લાનાં શેર વેચ્યા છે. એપ્રિલમાં ટ્વિટર ખરીદવા માટે તેમણે 44 અરબ ડોલરની ડીલ કરી હતી જે પછીથી તે મોટી સંખ્યાંમાં ટેસ્લાનાં શેર વેંચી રહ્યાં છે.

ટેસ્લા કંપનીનાં શેર વેંચી રહ્યાં છે મસ્ક
અમેરિકાનાં માર્કેટ રેગ્યુલેટરને મળેલ જાણકારી અનુસાર ટેસ્લાનાં  CEO અને ટ્વીટરનાં નવા માલિક એલોન મસ્કે બુધવારે ટેસ્લાનાં શેરો વેંચ્યાં છે. આ શેરની કિંમત 3.58 ડોલર છે. જો કે કંપની તરફથી આ બાબતે કોઇ માહિતી આપવામાં આવી નથી કે આ રકમનો ઉપયોગ ક્યાં કરવામાં આવશે.

ટેસ્લાનાં આટલા શેરનું થયું છે વેંચાણ
એલોન મસ્ક આ વર્ષે એપ્રિલથી અત્યાર સુધી ટેસ્લાનાં 23 અરબ ડોલરનાં શેરો વહેંચી ચૂક્યા છે. તેમાંથી મળેલ મોટાભાગની રકમનો ઉપયોગ 44 અરબ ડોલરવાળી ટ્વિટરની ડીલને પૂરી કરવા માટે કરાયો છે. એલોન મસ્કે એપ્રિલમાં જ ટ્વિટરને ખરીદવાનું એલાન કર્યું હતું. તો બીજી તરફ ટેસ્લાનાં શેરમાં એપ્રિલથી સતત ઘટાડો જોવા મળી રહ્યો છે.

ટેસ્લાનાં શેરનો ભાવ થયો અડધો
એલોન મસ્કનાં ટ્વિટર ખરીદ્યાની ઘોષણા બાદથી જ ટેસ્લાનાં શેરમાં ઘટાડો જોવા મળી રહ્યો છે. જો આંકડાકીય રીતે જોઇએ તો ટેસ્લાનાં શેરોની કિંમત ઘટીને અડધી થઇ ગઇ છે. એપ્રિલમાં આ શેરનો ભાવ 380 ડોલર આસપાસ રહેતો હતો જે હવે ઘટીને 156 ડોલર થયો છે. વર્ષ 2022ની શરૂઆતમાં આ 399.93 ડોલર પ્રતિ શેરનાં ભાવે હતો. જે હવે ઘટીને 155.3131 ડોલર થયો છે.

શું થશે નુક્સાન?
ટેસ્લાનાં શેરનાં ભાવમાં થઇ રહેલા ઘટાડાની અસર મસ્કની વેલ્થ પર પડી રહ્યો છે. સૂત્રો અનુસાર હવે તેમની સંપત્તિ ઘટીને 174 અરબ ડોલર પર આવી ગયો છે. ગયાં અઠવાડિયે જ ફ્રાન્સનાં ઉદ્યોગપતિ બર્નાર્ડ આરનોલ્ટે મસ્કને પાછળ ધકેલીને દુનિયાનાં સૌથી ધનિક વ્યક્તિ હોવાનો તાજ હાંસિલ કરી લીધેલ છે. તેમની સંપત્તિ હવે 187 અરબ ડોલરથી પણ વધુ છે.