Lok Sabha Election 2024 / લોકસભા ચૂંટણી તારીખો જાહેર: ક્યારે ઉમેદવારી ફોર્મ ભરાશે? ક્યારે ફોર્મ પરત ખેંચાશે? જાણો ચૂંટણીની તમામ માહિતી એક CLICKમાં

લોકસભા ચૂંટણી તારીખના બ્યુગ્લ ફૂંકાઈ ગયા છે,ચૂંટણી પંચે ઉમેદવાર ફોર્મ ભરવાથી લઈ મતદાન અને મતદાન ગણતરી સુધીની તમામ તારીખો જાહેર કરી દીધી છે. ત્યારે રાજકીય ચહલ પહલ પણ વધી ગઈ છે. ચૂંટણી માટે ભાજપ-કોંગ્રેસ તૈયારીમાં લાગી ગયું છે. તો ચૂંટણી તારીખ જાહેર થતાંની સાથે જ રાજકીય દાવ પેચ પણ શરૂ થઈ ગયા છે. આજે ચૂંટણી પંચે લોકસભા ચૂંટણીને લઈ વિવિધ તારીખો જાહેર કરી દીધી છે. તો બીજી તરફ ભાજપ અને કોંગ્રેસ પણ બાકી ઉમેદવારોની યાદી ગમે ત્યારે જાહેર કરી શકે છે. ચૂંટણી કાર્યક્રમ જાહેર થતાં સાથે રાજકીય પક્ષો હવે તમામ તૈયારીઓ આરંભી દેશે. 

લોકસભા 2024ની સામાન્ય ચૂંટણી - તબક્કો 3

• ગુજરાતની ચૂંટણી કાર્યક્રમની માહિતી

1. જાહેરાતનામો પ્રસિદ્ધિની તારીખ -  12 અપ્રિલ 2024 (શનિવાર)
2. ફોર્મ ભરવાની છેલ્લી તારીખ- 19 અપ્રિલ 2024 (શુક્રવાર)
3. ફોર્મ ચકાસવાની તારીખ - 20 અપ્રિલ, 2024 (શનિવાર)
4. ફોર્મ પરત ખેચવાની છેલ્લી તારીખ- 22 અપ્રિલ 2024 (સોમવાર)
5. મતદાનની તારીખ - 7 મે 2024 (મંગળવાર)
6. મતદાન ગણતરીની તારીખ - 04 જૂન 2024 (મંગળવાર)
7. ચૂંટણી પ્રક્રિયા પૂર્ણ કરવાની તારીખ - 06 જૂન 2024 (ગુરૂવાર)

જુઓ, ગુજરાતમાં ભાજપના 22 ઉમેદવારોના નામ
1. કચ્છ - વિનોદ ચાવડા
2. બનાસકાંઠા- ડો. રેખાબેન ચૌધરી
3. પાટણ- ભરતસિંહ ડાભી
4. ગાંધીનગર - અમિત શાહ
5. અમદાવાદ (પશ્ચિમ) - દિનેશ મકવાણા
6. રાજકોટ - પરષોત્તમ રૂપાલા
7. પોરબંદર - મનસુખ માંડવીયા
8. જામનગર - પુનમ માંડમ
9. આણંદ - મિતેશ પટેલ
10. ખેડા -દેવુસિંહ ચૌહાણ
11. પંચમહાલ - રાજપાલ સિંહ જાદવ
12. દાહોદ - જશવંત સિહ ભાભોર
13. બારડોલી  - પ્રભુભાઈ વસાવા
14. ભરૂચ - મનસુખ વસાવા
15. નવસારી  - સી આર પાટીલ   
16. ભાવનગર -  નીમુંબેન બામભણિયા
17. વલસાડ -  ધવલ પટેલ ઉમેદવાર
18. સુરત - મુકેશ દલાલ ઉમેદવાર
19. છોટાઉદેપુર - જશુભાઈ રાઠવા
20. વડોદરા - રંજનબેન ભટ્ટ ઉમેદવાર
21. અમદાવાદ પૂર્વ - હસમુખ પટેલ ઉમેદવાર
22. સાબરકાંઠા - ભીખાજી ઠાકોર

કોંગ્રેસના 7 ઉમેદવારોના નામ
1. બનાસકાંઠા - ગેનીબેન ઠાકોર 
2. અમદાવાદ પશ્ચિમ - ભરત મકવાણા 
3. અમદાવાદ પૂર્વ - રોહન ગુપ્તા 
4. બારડોલી - સિધાર્થ ચૌધરી 
5. વલસાડ - અનંત પટેલ 
6. પોરબંદર - લલિત વસોયા
7. કચ્છ - નીતિશ લાલણ

આદર્શ આચાર સંહિતા લાગુ

• આચારસંહિતા લાગુ થયા બાદ સરકારી અધિકારીઓ અને કર્મચારીઓની બદલી થઈ શકશે નહીં.
• રાજ્ય કે કેન્દ્ર સરકાર કોઈપણ નવી યોજનાનો અમલ કે જાહેરાત કરી શકતી નથી. 
• આચારસંહિતા લાગુ થયા બાદ ઘણીવાર સરકારી કાયદાકીય કામો અટવાઈ જાય છે. જો કોઈ સરકારી કામ બાકી હોય તો તેને ઝડપથી પૂર્ણ કરો. 
• રાજકીય પક્ષો તેમના પ્રચાર માટે સરકારી સંસાધનોનો ઉપયોગ કરી શકતા નથી. જો નિયમોનું ઉલ્લંઘન કરવામાં આવે તો ઉમેદવારનું નામાંકન પણ રદ થઈ શકે છે.
• રાજકીય પક્ષો મતદારો માટે મતદાન મથક સુધી જવા માટે વાહનોની વ્યવસ્થા કરી શકતા નથી.
• ચૂંટણી દરમિયાન ધાર્મિક સ્થળોના પ્રતિકનો ઉપયોગ કરવામાં આવશે નહીં. 
• ચૂંટણીના એક દિવસ પહેલા દારૂ પર પ્રતિબંધ લાગી જાય છે. 
• જે વ્યક્તિ નિયમોનું ઉલ્લંઘન કરે છે તેને સરળતાથી જામીન મળતા નથી. ભલે તે કોઈ પણ હોય.

Lok Sabha Election 2024 : દેશમાં સાત તબક્કામાં યોજાશે લોકસભા ચૂંટણી, જાણો કઇ તારીખે કેટલી બેઠકો પર મતદાન? ક્યારે મત ગણતરી?#loksabhaelection2024 #2024election #loksabhaelections2024 #loksabhaelection #loksabhaelections #electionresults #electioncommissionofindia #IVote4Sure… pic.twitter.com/qGqYgvzqCO

— VTV Gujarati News and Beyond (@VtvGujarati) March 16, 2024

'ચૂંટણીનો પર્વ દેશનો ગર્વ '
મુખ્ય ચૂંટણી કમિશનર રાજીવ કુમારે કહ્યું કે, ચૂંટણીનો પર્વ દેશનો ગર્વ છે. તેમણે માહિતી આપતા કહ્યું કે, ચૂંટણીમાં 10.5 લાખ પોલિંગ સ્ટેશન રહેશે. દેશમાં કુલ મતદાતાઓ 96.8 કરોડ છે. જેમાં પુરૂષ મતદાતા 49.7 કરોડ છે જ્યારે 47.1 કરોડ મહિલાઓ છે તેમજ ટ્રાન્સજેન્ડર મતદાતાઓ 48 હજાર છે. વધુમનાં વિગતો આપતા કહ્યું હતું કે, પ્રથમવાર મતદાન કરતા મતદાતાઓ (18-19 વર્ષ) 1.8 કરોડ છે. તો 85 વર્ષથી વધુ ઉંમરના 82 લાખ મતદાતાઓ છે

મુખ્ય ચૂંટણી કમિશનર રાજીવ કુમાર જણાવ્યું કે, 96.8 કરોડ નોંધાયેલા મતદારો નોંધાયા છે. જેની સામે 10.5 લાખ મતદાન મથકો, 1.5 કરોડ મતદાન અધિકારીઓ અને સુરક્ષા કર્મચારીઓ, 55 લાખ EVM, 4 લાખ વાહનો છે. ચૂંટણીમાં બળ અને ધનના ઉપયોગને રોકવા માટે ચૂંટણી કમિશન કટિબદ્ધ છે. ચૂંટણીમાં હિંસાને કોઈ સ્થાન નથી, જે રોકવા માટે કડક પગલા લેવામાં આવશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો