મોટા સમાચાર / ચૂંટણી પહેલા સરકારે શરૂ કર્યા સમરસતાના પ્રયાસ, મહિલા ગ્રામ પંચાયતને જાણો હવે કેટલી ફાળવાશે ગ્રાન્ટ

• ડિસેમ્બરમાં યોજાવાની છે ગ્રામપંચાયતોની ચૂંટણી 
• ગ્રામપંચાયતોને સમરસ બનાવા સરકાર કરશે પૂરતા પ્રયાસ 
• સરકાર દ્વારા ગ્રામપંચાયતોની ગ્રાન્ટ વધારવામાં આવી 

રાજ્યમાં ડિસેમ્બરમાં ગ્રામપંચાયતોની ચૂંટણી યોજાવાની છે. આપને જણાવી દઈએ કે ગુજરાતમાં કુલ 11 હજાર ગ્રામપંચાયતો આવેલી છે જેની ચૂંટણી યોજાશે. આ ચૂંટણીને લઈને ગ્રામ પંચાયતને સમરસ કરવા માટે સરકાર પ્રયાસ કરી રહી છે. જેમા ગ્રામપંચાયતોનો વિકાસ કરવા માટે સરકાર દ્વારા હવે બને તેટલા પ્રયાસો કરવામાં આવી રહ્યા છે. 

મહિલા સમરસ ગ્રામ પંચાયતને 13 લાખની ગ્રાન્ટ ફાળવાશે 

ગ્રામ પંચાયતો સમરસ થાય તે માટે સરકાર દ્વારા ગ્રાન્ટ પણ વધારી દેવામાં આવી છે. જેમા સરકાર દ્વારા ગ્રાન્ટની રકમમાં ધરખમ વધારો કરવામાં આવ્યો છે. જે પણ ગ્રામપંચાયતની વસ્તી 5 હજાર કરતા વધારે હશે તે ગ્રામપંચાયતોને 8 લાખ કરતા પણ વધુની ગ્રાન્ટ ફાળવવામાં આવશે. ઉપરાંત મહિલા સમરસ ગ્રામ પંચાયતને સરકાર દ્વારા 13 લાખ સુધીની ગ્રાન્ટ ફાળવવામાં આવશે 

ગ્રાન્ટની ફાળવણીનું ગણીત 

• પ્રથમ વખત - 5 હજાર સુધી વસ્તી - 3 લાખ ગ્રાન્ટ
• પ્રથમ વખત - 5 થી 25 હજાર વસ્તી - 4.50 લાખ ગ્રાન્ટ 
• બીજી વખત - 5 હજાર સુધી વસ્તી - 3.75 લાખ ગ્રાન્ટ + સીસી રોડ માટે 2 લાખ સહાય
• બીજી વખત - 5 થી 25 હજાર વસ્તી - 5.75 લાખ ગ્રાન્ટ + સીસી રોડ માટે 2 લાખ સહાય
• ત્રીજી વખત - 5 હજાર સુધી વસ્તી - 4.75 લાખ ગ્રાન્ટ + વિકાસ કામ માટે 3 લાખ સહાય 
• ત્રીજી વખત - 5 થી 25 હજાર વસ્તી - 7 લાખ ગ્રાન્ટ + વિકાસ કામ માટે 3 લાખ સહાય 
• ચાર વખત - 5 હજાર સુધી વસ્તી - 5.25 લાખ ગ્રાન્ટ + વિકાસ કામ માટે 3 લાખ સહાય 
• ચાર વખત - 5 થી 25 હજાર વસ્તી - 7.50 લાખ ગ્રાન્ટ + વિકાસ કામ માટે 3 લાખ સહાય 
• પાંચમી વખત - 5 હજાર સુધી વસ્તી - 5.50 લાખ ગ્રાન્ટ + વિકાસ કામ માટે 3 લાખ સહાય
• પાંચમી વખત - 5 થી 25 હજાર વસ્તી - 8.00 લાખ ગ્રાન્ટ + વિકાસ કામ માટે 3 લાખ સહાય