પ્રતિક્રિયા / 'શ્રદ્ધા પોતાની હત્યા માટે ખુદ દોષી', કેન્દ્રીય મંત્રીના નિવેદન પર ભડક્યા મહિલા સાંસદ કહ્યું, 'બેશરમ, અને ક્રૂર'

• દિલ્હીના ચકચારી શ્રદ્ધા હત્યાકાંડ પર કેન્દ્રીય મંત્રી કૌશલ કિશોરનું નિવેદન
• હત્યા બદલ પીડિત છોકરીને દોષી ગણાવી
• કહ્યું- માતાપિતાની મરજી વગર શું કામ બહાર ગઈ 
• શિવસેના સાંસદ પ્રિયંકા ચતુર્વેદીએ કેન્દ્રીય પર કર્યા પ્રહાર 

કેન્દ્રીય મંત્રી કૌશલ કિશોરે એક ખાનગી ચેનલ સાથે વાત કરતા આ હત્યા માટે પીડિત યુવતી શ્રદ્ધા વોકરને જવાબદાર ઠેરવી છે. શ્રદ્ધા મર્ડર કેસ સાથે જોડાયેલા એક સવાલના જવાબમાં તેમણે કહ્યું હતું કે "છોકરીઓની પણ જવાબદારી હોય છે. જે માતા-પિતા દ્વારા ઉછેરવામાં આવે છે અને તે માતાપિતાને એક જ ઝાટકે છોડી દે છે. સાથે જ તેમણે સવાલ કર્યો હતો કે લિવ ઇન રિલેશનશિપમાં રહેવાનો અર્થ શું છે.

Surprised he didn’t say girls are responsible for being born into this nation. Shameless, heartless and cruel, blame-the-woman-for-all problems mentality continues to thrive. https://t.co/ILYGHjwsMX

— Priyanka Chaturvedi🇮🇳 (@priyankac19) November 17, 2022

ભણેલી છોકરીઓએ અભણ છોકરીઓ પાસેથી શીખવું જોઈએ
કેન્દ્રીય મંત્રી કૌશલ કિશોરે કહ્યું કે, જો કોઇ લિવ ઇન રિલેશનશિપમાં રહેવા માંગે છે તો તેના માટે રજિસ્ટ્રેશન હોવું જોઇએ. આ સાથે તેમણે એવું પણ સૂચન કર્યું હતું કે, જો માતા-પિતા જાહેરમાં તૈયાર ન હોય તો પહેલા તમારે પહેલા કોર્ટ મેરેજ કરવા જોઈએ અને પછી સાથે રહેવું જોઈએ. મંત્રી કૌશલ કિશોરે વધુમાં જણાવ્યું હતું કે, આ તમામ ઘટનાઓ શિક્ષિત છોકરીઓ સાથે બની રહી છે. કેન્દ્રીય મંત્રી કૌશલ કિશોરે એવું પણ કહ્યું કે ભણેલી છોકરીઓએ અભણ છોકરીઓ પાસેથી શીખવું જોઈએ. 

છોકરીઓએ માતાપિતાનું કહ્યું માનવું જોઈએ 
મંત્રી કૌશલ કિશોરે કહ્યું, "આ ઘટનાઓ એવી છોકરીઓ સાથે થઈ રહી છે જે કહે છે કે હું ખૂબ જ ફ્રેન્ક છું. તે કહે છે કે હું સમજણી બની ગઈ છું, મારામાં મારા ભવિષ્ય વિશે વિચારવાની ક્ષમતા છે. આ પછી જ્યારે રિપોર્ટરે પૂછ્યું કે શું તે પીડિતાને તેની હત્યા માટે જવાબદાર ગણાવી રહ્યાં છો ત્યારે મંત્રીએ કહ્યું કે એકદમ બરાબર,  કૌશલ કિશોરે જણાવ્યું હતું કે "આ છોકરીની આ ઘટનામાં માતાએ ના પાડી દીધી, પિતાએ તેને ના પાડી તેમ છતાં પણ તે માની નહીં. છોકરીઓ માતાપિતાનું માનવું જોઈએ.  

શિવસેના સાંસદ પ્રિયંકા ચતુર્વેદીએ કૌશલ કિશોર પર કર્યો વળતો વાર 
શિવસેના નેતા અને રાજ્યસભા સાંસદ પ્રિયંકા ચતુર્વેદીએ કેન્દ્રીય મંત્રી કૌશલ કિશોરના નિવેદન પર પ્રતિક્રિયા આપતા ટ્વીટ કર્યું હતું, જેમાં તેમણે કહ્યું હતું કે "આશ્ચર્ય થયું છે કે આ દેશમાં જન્મ લેવા માટે છોકરીઓ જવાબદાર છે." બેશરમ, હૃદયહીન અને ક્રૂર, બધી સમસ્યાઓ માટે સ્ત્રીઓને દોષી ઠેરવતી માનસિકતા સતત ખીલી ઊઠતી રહે છે. આ સાથે તેમણે PMO Indiaને ટેગ કરીને મંત્રી કૌશલ કિશોરને બરતરફ કરવાની માંગ કરી હતી.