હેલ્થ / એલર્ટ! કસરત ટાણે ભૂલથી પણ શરીરમાં દેખાય આ 4 સંકેત, તો ચેતી જજો!

આજના સમયમાં લોકો ઘણી બિમારીઓની ચપેટમાં આવી રહ્યા છે, એવામાં ફિટ રહેવું દરેક લોકો માટે ખૂબ જ જરૂરી બની ગયું છે. સાથે દરેક હવે ડાયેટ સભાન બની ગયા છે અને જીમમાં વધુને વધુ સમય વર્કઆઉટ કરે છે. પરંતુ કેટલીકવાર વર્કઆઉટ તમારા સ્વાસ્થ્ય માટે ઘાતક પણ બની શકે છે. વાસ્તવમાં, વધુ પડતું જિમ કરવું કેટલાક લોકોના શરીરને અનુકૂળ નથી અને તે હૃદયને અસર કરે છે.

ઘણી વખત એવું પણ જોવા મળ્યું છે કે કેટલાક લોકોને વર્કઆઉટ કરતી વખતે ચક્કર આવે છે તો કેટલાક કસરત કરતી વખતે બેભાન પણ થઈ જાય છે. આવું કેટલાક સંજોગોમાં જીવલેણ પણ બની શકે છે. જો તમને કસરત કરતી વખતે કેટલાક સંકેતો દેખાય છે, તો તે તમારા સ્વાસ્થ્ય માટે જોખમી હોઈ શકે છે.

છાતીમાં બેચેની થવી 
જો તમને કસરત કરતી વખતે વારંવાર છાતીમાં દુખાવો થતો હોય તો તમારે તેની અવગણના ન કરવી જોઈએ. આવી સ્થિતિમાં તરત જ કસરત કરવાનું બંધ કરો અને ડૉક્ટરની સલાહ લેવી જોઇએ. આ સિવાય જો વર્કઆઉટ કરતી વખતે તમારા ધબકારા અસાધારણ રીતે વધી જાય તો તે ગંભીર પણ હોઈ શકે છે.

શ્વાસમાં તકલીફ થવી 
વર્કઆઉટ કરતાં સમયે શ્વાસ લેવામાં થોડી તકલીફ થવી એ સામાન્ય બાબત છે, પરંતુ જ્યારે તમને વારંવાર શ્વાસ લેવામાં તકલીફ થવા લાગે અને બેચેની અનુભવાય અને ખૂબ પરસેવો થાય તો તે ગંભીર બની શકે છે. આ હાર્ટ અટેક્ની નિશાની છે અને તેને અવગણવી જોઇએ નહીં. 

ચક્કર
જો તમને કસરત કરતી વખતે વારંવાર ચક્કર આવે છે અથવા નબળાઈ અનુભવાય છે, તો તમારે તેને અવગણવું જોઈએ નહીં. જો કે શરીરમાં પાણીની અછતને કારણે કસરત કરતી વખતે ચક્કર આવવું એ સામાન્ય બાબત છે, પરંતુ જો તમને દરરોજ આવું લાગતું હોય તો ચોક્કસપણે ડૉક્ટરની સલાહ લો.

વધુ વાંચો: ભૂલથી પણ chronic painને નજર અંદાજ ન કરતા, નહીં તો હેરાન-હેરાન થઇ જશો, જાણો કેમ

પરસેવો
વ્યાયામ કરતી વખતે પરસેવો થવો સામાન્ય છે, પરંતુ ઉબકા અને અસામાન્ય પરસેવો ગંભીર હોઈ શકે છે. આ હાર્ટ એટેકનું પ્રારંભિક લક્ષણ છે. જો આ પછી પણ તમે કસરત કરવાનું બંધ ન કરો તો તમને હાર્ટ એટેક આવી શકે છે. તેથી, આવી પરિસ્થિતિ ઊભી થાય તે પહેલાં, ડૉક્ટરની સલાહ લો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો