વાયરલ ખબર / નશાનો અડ્ડો ? M S યુનિવર્સિટીમાં ગાંજાની સિગારેટ ફૂંકતા વિદ્યાર્થીઓના ફોટો વાયરલ થતા વિવાદ, જાણો મામલો

• એમ.એસ.યુનિવર્સિટી ફરી આવી વિવાદમાં
• ગાંજાની સિગારેટ ફૂંકતા ફોટો થયા વાયરલ
• હોસ્ટેલમાં બેસીને વિદ્યાર્થીઓ નશો કરતા દેખાયા
• વાયરલ ફોટોની VTV નથી કરતુ પુષ્ટિ

 એમ.એસ. યુનિવર્સિટી અવાર નવાર વિવાદમાં આવતી રહે છે. ત્યારે ફરી પાછી એમ.એસ. યુનિવર્સિટી વિવાદમાં આવવા પામી છે. યુનિવર્સિટીમાં ગાંજાની સિગારેટ ફૂંકતા ફોટો વાયરલ થવા પામ્યા છે. ત્યારે વાયરલ થયેલ ફોટોમાં યુવક ગાંજાની સીગરેટ ફૂંકતો હોવાનું સ્પષ્ટ દેખાઈ રહ્યું છે. વિદ્યાર્થીઓનાં ફોટા વાયરલ થતા વિવાદ થવા પામ્યો છે. વાયરલ ફોટામાં વિદ્યાર્થી હોસ્ટેલમાં બેસીને નશો કરતો હોવાનું સ્પષ્ટ દેખાય છે. ત્યારે યુનિવર્સિટીમાં અગાઉ દારૂ પાર્ટીને લઈને વિવાદ થયો હતો. ત્યારે આ વાયરલ ફોટાની  VTV પુષ્ટિ કરતું નથી.

અગાઉ પણ વિવાદમાં આવી ચૂકી છે એમ.એસ.યુનિવર્સિટી
અગાઉ વડોદરાની MS યુનિવર્સિટી વધુ એક વખત ચર્ચાના ચકડોળે ચડી છે. શિક્ષણના ધામ સમાન વડોદરાની એમ.એસ.યુનિવર્સિટીની હોસ્ટેલમાં ચિકન અને દારૂની પાર્ટીનો વીડિયો સોશિયલ મીડિયા પર વાયરલ થતા સનસનાટી મચી ગઈ છે. આ મામલે હાલ વિવાદનો મધપૂડો છંછેડાયો છે. અજાણ્યા શખ્સોએ યુનિવર્સિટીમાં પાર્ટી કેમ કરી તેવો અણીયારો સવાલ ઊભો થયો છે.

વડોદરાની MS યુનિવર્સિટીમાં દારૂ અને નોનવેજની પાર્ટી
સોશિયલ મીડિયામાં વાયરલ થયેલા વીડિયોમાં 'ચિકન કુકડુ કુ' ગીત વાગે છે. તેમજ હોસ્ટેલ રૂમમાં બેસીને અજાણ્યા વિદ્યાર્થીઓ દારૂ અને ચિકનની પાર્ટીની મોજ માણતા નજરે  પડે છે. જોકે આ મામલે સ્થાનિક પોલીસ યુનિવર્સિટી સત્તાધીશોનું આબરૂ ધૂળધાણી થઇ છે.  બીજી બાજુ MS યુનિવર્સિટીમાં પાર્ટીની રંગતને લઇને અજાણ્યા વિદ્યાર્થીઓને કોનું છે પીઠબળ ? અને શિક્ષણના ધામને અભડાવવાનો ઉદ્દેશ શું ? તેવા પણ સવાલો ઊભા થયા છે. જેને પગલે યુનિવર્સિટીના સત્તાધીશો અને પોલીસે અજાણ્યા વિદ્યાર્થીઓ સામે કાર્યવાહી હાથ ધરી છે.