તમારા કામનું / ડ્રાઇવિંગ સમયે સ્ટિયરિંગની વચ્ચે હાથ મૂકવાની ટેવ હોય તો ચેતજો! નહીંતર હાડકાંના થઈ જશે ભૂક્કા

• ઘણાં લોકોને સ્ટીયરીંગ વ્હીલ વચ્ચેથી પકડવાની આદત હોય છે
• જો તમે પણ આવી રીતે ડ્રાઈવ કરતાં હોય તો ચેતી જજો
• મોટી મુશ્કેલીમાં મૂકી શકે છે આ ડ્રાઈવિંગ સ્ટાઈલ

ઘણાં લોકોને સ્ટીયરિંગ વ્હીલની વચ્ચે હાથ રાખીને ડ્રાઈવિંગ કરવાની આદત હોય છે. જો તમને પણ આવી રીતે જ ડ્રાઈવિંગ કરવાની આદત હોય છે તો જાણી લો કે આવું કરવું બિલકુલ યોગ્ય નથી. એક્સપર્ટર્સે કારણ જણાવતાં કહ્યું કે સ્ટીયરીંગની વચ્ચેનાં ભાગમાં પ્લાસ્ટિકની અંદર એરબેગ હોય છે. જો તમે વચ્ચે હાથ રાખીને ડ્રાઈવિંગ કરો છો તો તમારો હાથ એરબેગની ઉપર હોય છે. તેવામાં જો દુર્ઘટના થાય છે તો એરબેગ એક ઝાટકે ખુલી જશે અને તમારા હાડકા ભાંગી જશે.

ફ્રેક્ચરની શક્યતા
એરબેગ ખુલવાની ઝડપ ઘણી વધારે હોય છે. જ્યારે તે ખુલે છે ત્યારે સ્ટીયરીંગની પ્લાસ્ટિક ફાટે છે જેથી એરબેગ બહાર આવે છે. તેવામાં જો તમે ત્યાં હાથ રાખ્યો હશે તો હાથનાં હાડકા પણ તૂટી શકે છે. પણ ઘણાં લોકો આ વાતને મજાકમાં લે છે. આ વાતને નજરઅંદાજ ન કરવી જોઈએ. આવી દુર્ઘટના સિવાય પણ સ્ટીયરીંગ પર વચ્ચે હાથ રાખીને ડ્રાઈવ કરવાથી અનેક બીજી મુશ્કેલીઓનો પણ સામનો કરવો પડી શકે છે.

કાર પરનો કંટ્રોલ
સ્ટીયરીંગની વચ્ચે હાથ રાખીને કાર ડ્રાઈવ કરવાથી કાર પર આપણો કંટ્રોલ ઘટી જાય છે. એટલે કે એક્સિડેન્ટ થવાની સંભાવના વધી જાય છે. જ્યારે તમે સ્ટીયરીંગની વચ્ચે હાથ રાખો છો અને જો તમને ઝડપથી ટર્ન લેવો છે તો તમને મુશ્કેલી પડી શકે છે. ખાસ કરીને અચાનક બ્રેક લગાડવા પડે અથવા તો કારને ટર્ન કરવી પડે ત્યારે તમારી સાથે અકસ્માત થઈ શકે છે.

વધુ વાંચો: કઈ રીતે બને છે TATAની કાર? જુઓ ગુજરાતમાં બનેલા બીજા પ્લાન્ટનો વીડિયો, પહેલી ગાડી થઈ રોલ આઉટ

સ્ટીયરીંગ પકડવાની બેસ્ટ પોઝિશન સ્ટીયરીંગને જમણે અથવા તો ડાબે ( 3 વાગ્યા કે 9 વાગ્યાની પોઝિશન) બેસ્ટ છે.