ટેકનોલોજી / ગૂગલ ક્રોમ બ્રાઉઝિંગ માટે રૂપિયા આપવા પડશે? કંપનીએ નવું પેઇડ વર્ઝન લોન્ચ કર્યુ

જો તમે સ્માર્ટફોન કે લેપટોપનો ઉપયોગ કરો છો તો તમારે ગૂગલ ક્રોમનો ઉપયોગ કર્યો જ હશે. ગૂગલ ક્રોમ આજે સૌથી મોટું બ્રાઉઝિંગ પ્લેટફોર્મ બની ગયું છે. વિશ્વભરમાં લાખો લોકો તેનો ઉપયોગ કરે છે. સમય સમય પર, Google તેના વપરાશકર્તાઓની સુવિધા માટે ક્રોમ બ્રાઉઝરમાં નવા અપડેટ્સ લાવતું રહે છે. હવે કંપનીએ નવી સેવા રજૂ કરી છે.

ફ્રી અને પેઇડ એમ બે વિકલ્પ

તમને જણાવી દઈએ કે મોટાભાગના ગૂગલ પ્લેટફોર્મ પર યુઝર્સ ગૂગલ ક્રોમનો ફ્રીમાં ઉપયોગ કરે છે. પરંતુ, હવે કંપની આ સિસ્ટમમાં કેટલાક ફેરફાર કરવાના મૂડમાં હોવાનું જણાય છે. ગૂગલે તેના ક્રોમ બ્રાઉઝરનું નવું એન્ટરપ્રાઇઝ પ્રીમિયમ વેરિઅન્ટ રજૂ કર્યું છે જેમાં યુઝર્સને ફ્રી અને પેઇડ એમ બે વિકલ્પો આપવામાં આવશે.

Google Enterprise પ્રીમિયમ ડેટાનું રક્ષણ કરશે

તમને જણાવી દઈએ કે ક્રોમ એન્ટરપ્રાઈઝ પ્રીમિયમ એક પેઈડ સર્વિસ છે. જો તમે તેનો ઉપયોગ કરો છો, તો વપરાશકર્તાઓને કેટલીક વધારાની સુવિધાઓ મળશે. ગૂગલ ક્રોમનું આ નવું પેઇડ વર્ઝન યુઝર્સને માલવેર એટેક અને ફિશિંગ એટેકથી સુરક્ષિત રાખશે. આ સાથે યુઝર્સને સાયબર એટેકનો ખતરો પણ નહીં રહે. ગૂગલ ક્રોમનું પેઇડ વર્ઝન યુઝર્સના ઓનલાઈન ડેટાને પણ સુરક્ષિત રાખશે.

બિઝનેસમેન  લોકો માટે તે વધુ ઉપયોગી 

ક્રોમનું આ પેઇડ વર્ઝન સામાન્ય રેગ્યુલર યુઝર્સ માટે બહુ ફાયદાકારક નથી પરંતુ કોર્પોરેટ કંપનીઓ અને બિઝનેસમેન  લોકો માટે તે વધુ ઉપયોગી અને ફાયદાકારક બની શકે છે. ગૂગલના આ પગલા બાદ હવે લોકોને ડેટા સિક્યોરિટી માટે થર્ડ પાર્ટી એપ્સ કે સોફ્ટવેર પર નિર્ભર નથી રહેવું પડશે. હવે યુઝર્સને તેમની સિસ્ટમમાં જ ડેટા પ્રોટેક્શન ટૂલ્સ મળશે.

આ પણ વાંચોઃ AC ખરીદતા પહેલા 3 કે 5 સ્ટારમાં શું છે ફર્ક? પહેલા સમજી લેજો, તો વીજ બિલમાં થશે ફાયદો

ગૂગલ એન્ટરપ્રાઇઝ પ્રીમિયમમાં ઓટો અપડેટ ફીચર

ગૂગલના જણાવ્યા અનુસાર, યુઝર્સના ડેટાને સુરક્ષિત રાખવા માટે, ગૂગલ એન્ટરપ્રાઇઝ પ્રીમિયમમાં ઓટોમેટિક અપડેટ્સ ઉપલબ્ધ થશે. જો અમે તમને સરળ ભાષામાં કહીએ તો, Google Enterprise Premium માત્ર મોટી કંપનીઓ અને વ્યવસાયિક લોકો માટે જ યોગ્ય છે. જો આપણે ગૂગલ એન્ટરપ્રાઈઝ પ્રીમિયમની કિંમત વિશે વાત કરીએ, તો આ માટે યુઝર્સને 6 ડોલર એટલે કે લગભગ 500 રૂપિયા પ્રતિ માસ ખર્ચવા પડશે.

TV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો