YouTube સમયાંતરે તેના ફીચર્સને બદલતું રહે છે. હવે કંપનીએ ફરી એક વાર તેના ફીચર્સમાં બદલાવ કર્યા છે. જે યુઝર્સ એડ બ્લૉકર વાપરે છે, ખાસ કરીને એવા યુઝર્સ માટે આ બદલાવ કરવામાં આવ્યો છે. થર્ડ પાર્ટી એડ બ્લૉકર વાપરનાર લોકો આજે જ સાવધાન થઈ જાય, કારણ કે યુટ્યુબ આવા યુઝર્સ પર સીધી નજર રાખી રહ્યું છે. કંપનીએ એવા યૂઝર્સ પર કાર્યવાહી કરીને બૅન કરવાનું શરૂ કરી દીધું છે.
શા માટે વાપરે છે એડ બ્લૉકર
જો તમે એડ બ્લૉકરનો ઉપયોગ કરો છો, તો તમારે આજે સાવચેત રહેવું જોઈએ કારણ કે YouTube આવા લોકો પર કડક નજર રાખે છે. વાસ્તવમાં, આ એક સોફ્ટવેર છે જે YouTube વીડિયોની વચ્ચેથી એડને હટાવે છે. એટલે કે, જો તમે તેનો ઉપયોગ કરો છો, તો તમને વીડિયોમાં એડ્સ દેખાશે નહીં અને તમારે તેના માટે અલગથી પેમેન્ટ પણ કરવું પડશે નહીં.
કંપનીનું પેઇડ સબ્સ્ક્રિપ્શન
YouTube દ્વારા પેઇડ સબ્સ્ક્રિપ્શન આપવામાં આવે છે અને જો તમે તેને ખરીદો તો પણ તમને એડ્સથી છૂટકારો મળી શકે છે. પરંતુ કંપનીએ એપના યુઝર્સને ચેતવણી પણ આપી છે. યુટ્યુબે કહ્યું કે કંપનીના નિયમોનું ઉલ્લંઘન કરનારા આવા યુઝર્સ સામે કડક કાર્યવાહી કરવામાં આવશે. આ સાથે કંપનીએ કહ્યું કે જો તમારે વીડિયોની વચ્ચે એડ્સ નથી જોવી તો તમારે પ્રીમિયમ સબસ્ક્રિપ્શન લેવું જોઈએ. તમે તેને ઓનલાઈન જઈને સરળતાથી ખરીદી શકો છો.
વધુ વાંચો: WhatsApp વેબ યુઝર્સને ટૂંક સમયમાં મળશે એક નવું જબરદસ્ત ફિચર, જાણો કેટલું ઉપયોગી
YouTube એકાઉન્ટ બૅન
કેટલીકવાર કંપની નીતિનું ઉલ્લંઘન કરતા આવા એકાઉન્ટને બૅન પણ કરી નાખે છે. તમારે એવો કોઈ વીડિયો અપલોડ ન કરવો જોઈએ જે સમાજમાં ભાગલા પાડે કે ખોટા સમાચાર ફેલાવે. કંપની આવા લોકો સામે સતત કાર્યવાહી પણ કરી રહી છે. આવી સ્થિતિમાં, જો તમે YouTuber બનવાનું વિચારી રહ્યાં છો, તો તમારે તરત જ સાવચેત થઈ જવું જોઈએ.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
