- આજના સમયમાં લોકો અનેક બિમારીઓનો ભોગ બની રહ્યા છે
- ડાયાબિટીસના દર્દીઓએ કઈ કસરત કરવી જોઈએ
- ડાયાબિટીસ કંટ્રોલમાં રહે તે માટે દરરોજ કરો આ યોગાસન
આજના સમયમાં બિઝી લાઈફસ્ટાઈલ અને અનહેલ્ધી ફૂડ, માનસિક પરેશાની અને કસરત ના કરવાને કારણે લોકો અનેક બિમારીઓનો ભોગ બની રહ્યા છે. મોટાભાગના લોકો ડાયાબિટીસની સમસ્યાથી પરેશાન છે. આ બિમારી પર ધ્યાન આપવામાં ના આવે તો વ્યક્તિને આંખોની રોશનીનની સમસ્યા તથા કિડનીની બિમારી થઈ શકે છે.
ડાયાબિટીસનો કોઈ ઈલાજ નથી, પણ લાઈફસ્ટાઈલમાં કેટલાક ફેરફાર કરીને ડાયાબિટીસ કંટ્રોલ કરી શકાય છે. દવાઓ તથા કસરતની મદદથી ડાયાબિટીસ કંટ્રોલ કરી શકાય છે. આ બિમારીથી બચવા માટે તમારા રૂટીનમાં યોગ અને વ્યાયામ શામેલ કરો. ડાયાબિટીસના દર્દીઓએ કઈ કસરત કરવી જોઈએ, તે અંગે અહીંયા જણાવવામાં આવ્યું છે.
મંડૂકાસન
આ આસન કરવા માટે સૌથી પહેલા વજ્રાસનમાં બેસો. હવે બંને હાથના અંગૂઠાને હથેળીમાં દબાવીને ચાર આંગળીઓ તેના પર રાખીને હાથ બાંધી દો. હવે બંને હાથ નાભી પાસે રાખીને આગળની તરફ વળો અને પછી ધીરે ધીરે ઉપર આવો. આ પ્રક્રિયા 8 થી 10 વાર કરો.
તાડાસન
સૌથી પહેલા બંને પગ વચ્ચે ચાર આંગળી જેટલી જગ્યા રાખીને સીધા ઊભા રહો. હવે બંને હાથની આંગળીઓ બંને હાથમાં ફસાવીને તે હથેળી ઉપરની તરફ રાખીને માથા ઉપર લઈ જાવ. હવે ઊંડા શ્વાસ લો અને શ્વાસ છોડતા સમયે હાથ નીચે લાવી દો. શક્ય હોય તેટલું હાથ ખેંચવાની કોશિશ કરો.
આ કસરત કરવાથી પણ લાભ થશે
- ડાયાબિટીસના દર્દીઓ વક્રાસન, પાદહસ્તાસન, ધનુરાસન, વજ્રાસન, સવાસન અને સૂર્ય નમસ્કાર કરી શકે છે.
- ડાયાબિટીસના દર્દીઓ માટે સ્વિમિંગ એક સારી કસરત છે, નિયમિતરૂપે સ્વિમિંગ કરવું જોઈએ.
- દરરોજ 3થી 4 કિલોમીટર સાયકલ ચલાવવાથી પણ ડાયાબિટીસ કંટ્રોલમાં રહે છે.
- વેઈટલિફ્ટિંગ, એરોબિક્સ, સ્ક્વેટ્સ, લન્જેસ, પુશઅપ્સ, પુલઅપ્સ જેવી કસરતથી પણ ડાયાબિટીસ કંટ્રોલમાં રહે છે.
વધુ વાંચો: દેખા-દેખીમાં આવીને તમે પણ પીવો છે Green Tea? નુકસાન જાણીને ધ્રૂજવા લાગશે હાથ
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
