રિલીઝ / Akshay Kumar ના ડેવિલ લુકે મચાવી ધમાલ, Maar Khayegaa ના ગીતને મળ્યાં અઢળક વ્યૂઝ

• બચ્ચન પાંડેનુ પહેલુ ગીત 'માર ખાએગા' રીલીઝ
• અક્ષય કુમારના ડેવિલવાળા લુકથી પ્રશંસકો ઉત્સાહિત
• માત્ર 18 કલાકમાં યુ-ટ્યુબ પર પ્રથમ નંબરે કરી રહ્યું છે ટ્રેન્ડ

300થી વધુ ડાન્સરો એકસાથે

માર ખાએગાને એક મોટા કૈનવાસ પર દર્શાવવામાં આવ્યું છે. આ ગીતને એક જ દિવસમાં 300થી વધુ ડાન્સરોની સાથે મુંબઈના ફિલ્મસિટીમાં બનાવવામાં આવેલા એક મોટા સેટ પર શૂટ કરવામાં આવ્યું હતુ. ગીતની આકર્ષક કોરિયોગ્રાફી પણ લોકોને પસંદ આવી રહી છે.

ગીતને મળ્યાં 5 કરોડથી વધુ વ્યૂઝ

પ્રશંસકોને અક્ષય કુમારનો આ ખૂંખાર અવતાર એટલો પસંદ આવી રહ્યો છે કે આ વીડિયોના વ્યૂઝ મિનિટે વધી રહ્યાં છે. વીડિયો રીલીઝ થયો હજી અંદાજે 18 કલાક જ થયા છે અને તેને 5 કરોડ 50 લાખથી પણ વધુ લોકો જોઇ ચૂક્યા છે. ટ્વિટર અને ઈન્સ્ટાગ્રામ પર પણ અક્ષયના લુક અંગે ચર્ચા થઇ રહી છે. 

આ છે આખી ટીમ 

ગણેશ આચાર્ય દ્વારા કોરિયોગ્રાફ કરવામાં આવેલુ આ ગીત નામાંકિત પાત્રના વ્યક્તિત્વને દર્શાવે છે. ટ્રેકને વિક્રમ મોન્ટ્રોસ દ્વારા સંગીતબદ્ધ અને ડિઝાઈન કરવામાં આવ્યું છે. જેના બોલ ફરહાદ ભિવંડીવાલા, અજીમ દયાની અને વિક્રમ મોન્ટ્રોસના છે. ફરહાદ સામજી દ્વારા નિર્દેશિત બચ્ચન પાંડેમાં અરશદ વારસી, પંકજ ત્રિપાઠી, સંજય મિશ્રા, અભિમન્યુ સિંહ અને જેકલિન ફર્નાન્ડીઝ પણ છે. ફિલ્મ 18 માર્ચે હોળીના દિવસે રિલીઝ થશે.