દાદાગીરી / VIDEO : દેવાયત બન્યો દાદા : પાડોશીને દબડાવવા કરી બબાલ, લાકડી ઉગામીને જુઓ શું કર્યું

• કલાકાર દેવાયત ખવડની બબાલ
• પાડોશીને દબાવવા માથાકૂટ
• દેવાયત ખવડે ઉપાડી લાકડી

દેવાયતે જમાવ્યો રોફ
લોક કલાકાર દેવાયત ખવડે રાજકોટમાં ઉધમ મચાવ્યો હતો. પાડોશી સાથે ઝઘડો કર્યાનો વીડિયો પણ સામે આવ્યો છે. કઇ બાબતે માથાકૂટ થઇ તેને લઇને કોઇ ખુલાસો થયો નથી પરંતુ દેવાયતે પાડોશી સામે લાકડી ઉગામી હતી. 

પાડોશી પર ઉગામી લાકડી
દેવાયતે ગુસ્સે ભરાઇને પાડોશી પર લાકડી ઉગામી હતી અને જે કેમેરામાં કેદ થઇ ગયું હતું. રોફ જમાવતા દેવાયત અને પાડોશી વચ્ચે ક્યા કારણોસર બબાલ થઇ છે તે હજુ સામે આવ્યું નથી. 

પબુભા પર દેવાયતે બનાવ્યો હતો વીડિયો
દેવાયત ખવડે પબુભાના વિરૂદ્ધમાં એક વીડિયો બનાવ્યો હતો. જેને લઇને દેવાયત ખવડને જાનથી મારી નાખવાની ધમકી મળી હતી. રાજભા કેર નામના શખ્સે મારી નાખવાની ધમકી આપી હતી. જોકે આ વીડિયો બાદ દેવાયત ખવડના સમર્થનમાં પણ કેટલાક વીડિયો સોશિયલ મીડિયામાં વાયરલ થયા હતા.

દેવાયત ખવડે પબુભા વિરૂદ્ધ વીડિયો બનાવતા રાજભા કેરે ધમકી આપતા કહ્યું હતું કે, દેવાયત ખવડ હું તને ચોખ્ખી ધમકી આપું છું. તુ દ્વારકા આવતો નહીં, હું જ તારુ મર્ડર કરીશ. નહીં તો મારે જીલ્લા જેલમાં જવું પડશે. પબુભા વિશે બોલવાનું રહેવા દો.