દિલ્હી વિધાનસભા ચૂંટણી / એક જ બેઠક પર કેજરીવાલ લડશે ચૂંટણી, જાટ અનામત પર ખેલ્યો દાવ, દિલ્હી વિધાનસભાના સમીકરણ બદલાશે?

આમ આદમી પાર્ટીના કન્વીનર અને દિલ્હીના પૂર્વ મુખ્યમંત્રી અરવિંદ કેજરીવાલે ગુરુવારે દિલ્હીના જાટ સમુદાયને અનામત આપવાનો મુદ્દો ઉઠાવ્યો. કેજરીવાલે કહ્યું કે દિલ્હીના જાટ સમુદાયને ભાજપ દ્વારા છેલ્લા 10 વર્ષથી છેતરવામાં આવી રહ્યો છે. કેજરીવાલે કહ્યું કે કેન્દ્ર સરકારની કોઈપણ કોલેજ, યુનિવર્સિટી કે સંસ્થામાં દિલ્હીના જાટ સમુદાયને અનામત મળતું નથી. વડાપ્રધાન નરેન્દ્ર મોદી અને ગૃહમંત્રી અમિત શાહને દિલ્હીના જાટોની યાદ ચૂંટણી પહેલા આવે છે. દિલ્હીની અંદર, રાજસ્થાનના જાટ સમુદાયને અનામત મળે છે પરંતુ દિલ્હીના જાટ સમુદાયને અનામત મળતી નથી. દિલ્હીની સ્ટેટ ઓબીસી લિસ્ટમાં પાંચ વધુ જાતિઓ છે, જે કેન્દ્રીય ઓબીસી લિસ્ટમાં નથી.

તેમણે એવી પણ જાહેરાત કરી કે તેઓ આ વખતે ફક્ત એક જ બેઠક પરથી ચૂંટણી લડશે. આજે બપોરે 3 વાગ્યે તેમની ચૂંટણી પંચ સાથે પણ બેઠક છે. અરવિંદ કેજરીવાલે આ સંદર્ભમાં પીએમ મોદીને પત્ર પણ લખ્યો છે. આ પત્રમાં તેમણે માંગ કરી છે કે જાટ સમુદાયને OBC યાદીમાં સામેલ કરવામાં આવે.

કેજરીવાલે પીએમ મોદીને લખેલા પત્રમાં કહ્યું છે કે તમે દિલ્હીના જાટ સમુદાય સાથે દગો કર્યો છે. દિલ્હીમાં ઓબીસી દરજ્જો ધરાવતા જાટ અને અન્ય તમામ જાતિઓને કેન્દ્રની ઓબીસી યાદીમાં સામેલ કરવી જોઈએ. પત્રમાં કહેવામાં આવ્યું છે કે કેન્દ્ર સરકારે છેલ્લા દસ વર્ષથી ઓબીસી અનામતના નામે જાટ સમુદાય સાથે છેતરપિંડી કરી છે.

પત્રમાં લખ્યું છે કે તમે 2015 જાટ સમુદાયના નેતાઓને ઘરે બોલાવીને વચન આપ્યું હતું કે દિલ્હીના જાટ સમુદાયને કેન્દ્રની OBC યાદીમાં સામેલ કરવામાં આવશે. 2019 માં, અમિત શાહે જાટ સમુદાયને કેન્દ્રીય OBC યાદીમાં સામેલ કરવાનું વચન આપ્યું હતું.

આ પણ વાંચો: મહાકુંભથી કેટલી આવક થશે? CM યોગીએ જણાવ્યા અર્થવ્યવસ્થાને બુસ્ટ કરતાં આંકડા, રેકોર્ડ તૂટશે

કેજરીવાલે સવાલ ઉઠાવતા કહ્યું કે રાજસ્થાનના જાટ સમુદાયના વિદ્યાર્થીઓને દિલ્હી યુનિવર્સિટીમાં અનામત મળે છે, તો દિલ્હીના જાટ સમુદાયને કેમ નથી મળતું? દિલ્હીના જાટ સમુદાયના હજારો બાળકોને કેન્દ્રીય OBC યાદીમાં ન હોવાને કારણે DU માં પ્રવેશ મળતો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ