દાહોદ / ફિલ્મી સ્ટાઈલમાં કાર ચેઝિંગ, પોલીસે પકડ્યા આરોપીઓ, 64.42 લાખના પોષડોડા ઝડપાયા

દાહોદ જિલ્લાના કતવારા પોલીસ સ્ટેશનની ટીમે નશીલા પદાર્થો સામે મોટી કાર્યવાહી હાથ ધરી છે. પોલીસ દ્વારા સ્કોર્પિયો કારમાંથી રૂ. 64.62 લાખની કિંમતના અફીણના જીંડવા (પોષડોડા) ઝડપી પાડવામાં આવ્યા છે. આ કાર્યવાહીમાં વાહન સહિત કુલ રૂ. 74.62 લાખનો મુદ્દામાલ જપ્ત કરવામાં આવ્યો છે.

પોલીસે ગાડીનો 20 કિલોમીટર સુધી પીછો કર્યો

મળતી માહિતી મુજબ, પોલીસને જોઈને સ્કોર્પિયો ચાલકે ગાડી હંકારીને ફરાર થવાનો પ્રયાસ કર્યો હતો. કતવારા પોલીસે ગાડીનો પીછો શરૂ કરતાં આશરે 20 કિલોમીટર સુધી પીછો કરવામાં આવ્યો હતો.

રામપુરા ગામ નજીક સ્કોર્પિયો બેરીકેટ સાથે અથડાઈ

દરમિયાન રામપુરા ગામ નજીક સ્કોર્પિયો બેરીકેટ સાથે અથડાઈ હતી. અથડામણને કારણે ગાડીનું ટાયર ફાટી જતાં ચાલકે વાહન સ્થળ પર જ મૂકી દીધું હતું અને ફરાર થઈ ગયો હતો.

આ પણ વાંચોઃ વહીવટી તંત્રમાં ધરખમ ફેરફાર, ખનીજ માફિયાઓને ધ્રુજાવનાર SDMની ટ્રાન્સફર

રૂ. 64.62 લાખની કિંમતના અફીણના જીંડવા (પોષડોડા) મળી આવ્યા

પોલીસે સ્કોર્પિયો કારની તપાસ કરતાં તેમાંથી રૂ. 64.62 લાખની કિંમતના અફીણના જીંડવા (પોષડોડા) મળી આવ્યા હતા. પોલીસે નશીલા પદાર્થો, સ્કોર્પિયો ગાડી સહિત કુલ રૂ. 74.62 લાખનો મુદ્દામાલ કબજે કર્યો છે. આ સમગ્ર મામલે કતવારા પોલીસે કાયદેસરની કાર્યવાહી હાથ ધરી છે અને ફરાર આરોપીની શોધખોળ સહિતની કાર્યવાહી આગળ ધપાવવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ