સ્નેહમિલન કાર્યક્રમ / નવા વર્ષની શુભેચ્છા પાઠવતા CR પાટીલનું મોટું નિવેદન, આ વખતની ચૂંટણી રહેશે રેકોર્ડબ્રેક

• સુરતમાં CR પાટીલના નિવાસસ્થાને યોજાયો સ્નેહ મિલન કાર્યક્રમ
• આ વખતની ચૂંટણી પણ રેકોર્ડબ્રેક રહેશે: CR પાટીલ
• અમિત શાહના નિવાસસ્થાને પણ સ્નેહ મિલનનો કાર્યક્રમ યોજાયો

આજે નૂતન વર્ષ નિમિત્તે સુરતમાં CR પાટીલના નિવાસસ્થાને મહત્વનું સ્નેહ મિલન યોજાયું. જેમાં ભાજપ નેતા, કાર્યકરો અને સ્થાનિકોની શુભેચ્છા મુલાકાત યોજાઇ હતી. CR પાટીલે લોકોને મળી આજે નવા વર્ષની શુભેચ્છા પાઠવી હતી. તદુપરાંત નાગરિકોને પણ સી.આર પાટીલે નવા વર્ષની શુભેચ્છા પાઠવી હતી.

ભાજપના કાર્યકર્તાઓએ લોકોના દિલમાં સ્થાન બનાવ્યું: CR પાટીલ

આ દરમ્યાન CR પાટીલે ગુજરાત વિધાનસભાની ચૂંટણીને લઇ મહત્વનું નિવેદન આપતા જણાવ્યું કે, 'ભાજપના કાર્યકર્તાઓએ લોકોના દિલમાં એક સ્થાન બનાવ્યું છે. ચૂંટણી 2022 આવી રહી છે. મોદી સાહેબે તમામ પર વિશ્વાસ મૂક્યો છે. ત્યારે આ વખતની ચૂંટણી પણ રેકોર્ડબ્રેક રહેશે.'

અમિત શાહ ગાંધીનગર કમલમ ખાતે બેઠક કરશે

બીજી બાજુ આજે નૂતન વર્ષ નિમિત્તે કેન્દ્રીય ગૃહમંત્રી અમિત શાહના નિવાસસ્થાને પણ સ્નેહ મિલનનો કાર્યક્રમ યોજાયો હતો. જેમાં ભાજપના ધારાસભ્યો, મ્યુનિસિપલ કોર્પોરેટર અને કાર્યકરોએ તેમના નિવાસસ્થાને જઇને અમિત શાહને નવા વર્ષની શુભેચ્છા પાઠવી હતી. અમિત શાહે પણ શુભેચ્છકોને નવા વર્ષની શુભકામના પાઠવી હતી. શુભેચ્છા મુલાકાત બાદ હવે કેન્દ્રીય ગૃહમંત્રી અમિત શાહ ગાંધીનગર કમલમ ખાતે બેઠક કરશે. ભાજપ સંગઠનના આગેવાનો સાથે અમિત શાહ આજે બેઠક કરશે.