ઐતિહાસિક / પ્રથમવાર ક્રિકેટના મેદાન પર એકસાથે 10 ખેલાડીઓએ ધૂમ મચાવી, ફૂટબોલનો આ નિયમ બન્યો સૌથી મોટું કારણ

• ક્રિકેટના મેદાન પર ફૂટબોલની જેમ એક નિયમ લાગુ કરાયો
• ક્રિકેટમાં પહેલી વાર રેડ કાર્ડનો ઉપયોગ કરવામાં આવ્યો
• સૌથી પહેલા સુનિલ નારાયણે આ કાર્ડનો સામનો કરવો પડ્યો

ક્રિકેટના મેદાન પર ફૂટબોલની જેમ એક નિયમ લાગુ કરવામાં આવ્યો છે. ફૂટબોલની મેચ દરમિયાન પ્લેયર્સને તેમના ખરાબ વ્યવહાર માટે 2 પ્રકારના કાર્ડનો સામનો કરવો પડે છે. જેમાં રેડ કાર્ડ અને યલો કાર્ડ શામેલ છે. તે પ્રકારે ક્રિકેટમાં પણ પહેલી વાર રેડ કાર્ડનો ઉપયોગ કરવામાં આવ્યો, જેમાં સૌથી પહેલા સુનિલ નારાયણે આ કાર્ડનો સામનો કરવો પડ્યો. 

કેરેબિયન પ્રીમિયર લીગની હાલની સીઝનમાં રેડ કાર્ડના નિયમને લાગુ કરવામાં આવ્યો છે. પ્રસિદ્ધ ઓલરાઉન્ડર ખેલાડી કાયરન પોલાર્ડની કેપ્ટનશીપમાં રમી રહેલ ટ્રિબેંગો નાઈટ રાઈડર્સે સેંટ કિટ્સ એન્ડ નેવિસ પ્રિટોરિયસ સામે યોગ્ય સમયમાં 20 ઓવર માટે બોલિંગ કરી નહોતી. ત્યારપછી 19 ઓવરની મેચ પૂરી થતા રેડ કાર્ડનો સામનો કરવો પડ્યો. ટ્રિબેંગો ટીમના કેપ્ટન પોલાર્ડે સુનિલ નારાયણને મેદાનની બહાર જવાનો ઈશારો કર્યો હતો. 

SENT OFF! The 1st ever red card in CPL history. Sunil Narine gets his marching orders 🚨 #CPL23 #SKNPvTKR #RedCard #CricketPlayedLouder #BiggestPartyInSport pic.twitter.com/YU1NqdOgEX

— CPL T20 (@CPL) August 28, 2023

ટ્રિબેંગોની ટીમે છેલ્લી ઓવરમાં 10 ખેલાડીઓના મેદાન પર રમવું પડ્યું. CPLની આ સીઝનમાં કોઈ ટીમ નક્કી કરેલ સમયમાં 20 ઓવર પૂર્ણ ના કરી શકે તો રેડ કાર્ડનો સામનો કરવો પડશે. આંતરરાષ્ટ્રીય ક્રિકેટ અથવા અન્ય લીગ્સમાં નક્કી કરેલ સમયમાં ઓવર પૂરી ના થાય તો ટીમે 30 ગજની સીમામાં વધારાનો એક પ્લેયર રાખવો પડે છે. 

ટ્રિબેંગોની ટીમે 6 વિકેટથી જીતી મેચ
ટ્રિબેંગો નાઈટ રાઈડર્સની ટીમે સેંટ કિટ્સ એન્ડ નેવિસ પ્રિટોરિયસની ટીમને 6 વિકેટથી હરાવીને શાનદાર જીત મેળવી હતી. 179 રન પૂરા કરીને ટ્રિબેંગોની ટીમે 17.1 ઓવરમાં આ લક્ષ્યાંક મેળવી લીધો છે. ટીમ તરફથી નિકોલસ પૂરને માત્ર 32 બોલમાં 61 રનની શાનદાર ઈનિંગ રમી હતી. આંદ્રે રસલે 23 અને કેપ્ટન પોલાર્ડે 37 રનની ઈનિંગ રમી હતી. ટ્રિબેંગોની ટીમ પોઈન્ટ ટેબલમાં 3 અંક સાથે ચોથા સ્થાન પર છે.