આરોપ / રામ મંદિરના નામે ભાજપ નેતા ફાળો ઉઘરાવે છે અને રાત્રે નદીએ જઈને આવું કરે છે, કોંગ્રેસ નેતાના નિવેદનથી ખળભળાટ

• ભાજપવાળા દિવસમાં રામ મંદિરને નામે ફંડ ઉઘરાવે છે અને રાતે આ પૈસાનો દારુ પી જાય છે : કાંતિલાલ ભુરિયા
• કાંતિલાલ ભુરિયા રામભક્તોને બદનામ કરી રહ્યાં છે :મધ્યપ્રદેશના પ્રોટેમ સ્પીકર
• રામ મંદિર માટે ફંડ-ફાળો ઉઘરાવવો ભાજપનો ધંધો બની ગયો છે. લોકોએ ભાજપથી સાવધાન રહેવું જોઈએ.:મહારાષ્ટ્ર કોંગ્રેસના નેતા સચિન સાવંત

મધ્યપ્રદેશ કોંગ્રેસના ધારાસભ્ય કાંતિલાલ ભુરિયાએ એવું જણાવ્યું કે ભાજપવાળા દિવસમાં રામ મંદિરને નામે ફંડ ઉઘરાવે છે અને રાતે આ પૈસાનો દારુ પી જાય છે.     

ભુરિયાએ કહ્યું કે ભાજપ ઘણા લાંબા સમયથી રામ મંદિર નિર્માણનો નારો લગાવતો રહ્યો છે. પહેલા પણ કરોડો રુપિયા ભેગા કરાયા હતા પરંતુ તેનો હિસાબ આપ્યો નથી. આજકાલ ભાજપના નેતા ઘેર ઘેર જઈને પૈસા ભેગા કરી રહ્યાં છે રાતે દારુ પીએ છે અને વાત ભગવાન રામના મંદિરની કરે છે. 

कांग्रेस विधायक @KantilalBhuria_ का राम भक्तों को शराबी कहने वाला बयान मर्यादापुरुषोत्तम भगवान राम की नहीं उनसे जुड़ी भारतीय जनमानस की आस्था के साथ दुर्व्यवहार है। धार्मिक भावनाओं को आहत करने के लिए उन्हें माफी मांगनी चाहिए।@CSDarbarBJP @NeenavermaMLA@ChintuVermaBJP @BJP4MP pic.twitter.com/KOOWMszGM7

— Ram Verma↗️ (@Ram786Verma) February 2, 2021

મધ્યપ્રદેશના પ્રોટેમ સ્પીકર રામેશ્વર શર્માએ આ અંગે પ્રતિક્રિયા વ્યક્ત કરતા જણાવ્યું કે કાંતિલાલ ભુરિયા રામભક્તોને બદનામ કરી રહ્યાં છે અને તેમણે ચેનથી રામમંદિર નિર્માણ કામ થવા દેવું જોઈએ. ભુરિયા દારુની વાત ન કરે તો ઘણુ સારુ છે કારણ કે તેમને ખબર છે કે તેમની પાર્ટીમાં કોણ કોણ પેગ લગાવે છે. 

મહારાષ્ટ્ર કોંગ્રેસના નેતા સચિન સાવંતે પણ એવો આક્ષેપ કર્યો કે રામ મંદિર માટે ફંડ-ફાળો ઉઘરાવવો ભાજપનો ધંધો બની ગયો છે. લોકોએ ભાજપથી સાવધાન રહેવું જોઈએ.