- કોંગ્રેસે જબદસ્ત ડેમેજ કંટ્રોલ હાથ ધર્યું
- ભાજપનું સંગઠન હચમચી ગયું : જગદીશ ઠાકોર
- હવે કોઈ MLA પાર્ટી નહિ છોડે : રામકિશન ઓઝા
તાજેતરમાં વિસાવદરના ધારાસભ્ય અને ખેડૂત નેતા હર્ષદ રિબડિયા અને કોંગ્રેસના દિગ્ગજ નેતા અશ્વિન કોટવાલ પણ ભાજપમાં જોડાયા હતા. ત્યારબાદ ગઇકાલે આદિવાસી સમાજમાં બહોળી ચાહના ધરાવતા નેતા મોહન રાઠવા પણ ભાજપના રંગે રંગાયા છે. હવે તાલાળાના કોંગ્રેસના સીટિંગ MLA ભગવાન બારડે પણ કેસરીયો ધારણ કરી લેતા કોંગ્રેસમાં એક સાંધે ત્યા તેર તૂટે તેવી સ્થિતિ જન્મી છે. જેને લઇને કોંગી નેતાઑ જાગ્યા છે અને કોંગ્રેસે જબદસ્ત ડેમેજ કંટ્રોલ હાથ ધર્યું છે. જેમાં બેઠક યોજી હતી જે દરમિયાન ચારેય ઝોનના સહપ્રભારી ઉપસ્થિત રહ્યા હતા.
તાલાળા બેઠક પર ભગા બારડ સામે કોંગ્રેસ બારડ પરિવારમાંથી ટિકિટ આપી શકે છે!
બેઠકમાં સૌરાષ્ટ્રના પ્રભારી રામકિશન ઓઝા, દક્ષિણ ગુજરાતના પ્રભારી બી.એમ સંદીપ, મધ્ય ગુજરાતના પ્રભારી ઉષા નાયડુ અને ઉત્તર ગુજરાતના પ્રભારી વિરેન્દ્રસિંહ સહીતના હાજર રહ્યા હતા. આ દરમિયાન સૌરાષ્ટ્ર પ્રભારી રામકિશન ઓઝાએ મોટું નિવેદન આપ્યું હતું. તેમણે કહ્યું કે કાલ સાંજ સુધીમાં કોંગ્રેસના ઉમેદવારોનું બીજું લિસ્ટ જાહેર થઈ શકે છે. જેમાં હવે કોઈ MLA પાર્ટી નહિ છોડે તેવું પણ રામકિશન ઓઝાએ કહ્યું હતું. બીજી બાજુ તાલાળાના કોંગ્રેસના સીટિંગ MLA ભગવાન બારડ આજે ભાજપમાં જોડાતા હવે આ તાલાળા બેઠક પર ભગા બારડ સામે કોંગ્રેસ બારડ પરિવારમાંથી ટિકિટ આપી શકે છે. તેવા પ્રભારી રામકિશન ઓઝાએ સંકેત આપ્યા હતા.
ભાજપની યાદી જાહેર થયા બાદ ભાજપમાં ભળકો થશે :જગદીશ ઠાકોર
વધુમાં કોંગ્રેસ પ્રમુખ જગદીશ ઠાકોરનું નિવેદન સામે આવ્યું છે. તેમણે કહ્યું કે ભાજપ પહેલા જ દિવસથી કોંગ્રેસને તોડી ચૂંટણી લાડવા માંગતું હતું. ચૂંટણી નજીક આવે છે તેમ કોંગ્રેસના લોકોને લઇ જઇ રહ્યા છે. ચુંટણી અગાઉ ભાજપનું સંગઠન હચમચી ગયું છે. ભાજપની યાદી જાહેર થયા બાદ ભાજપમાં ભળકો થશે. એટલે હવે કોંગ્રેસ ભાજપની સામે રણનીતિ બનાવી રહ્યું છે. જેમને વ્યક્તિગત પ્રશ્નો હોય એમને પણ હું મળી રહ્યો છું. વધુમાં તેમણે કહ્યું કે જે કંઈ પણ થાય કોંગ્રેસ તેની બીજી યાદીમાં વિલંબ નહિ કરીએ. કોંગ્રેસમાંથી ગયા છે એ પૈકી કેટલાકની ભાજપમાંથી ટિકિટ કપાય રહી છે. અમે ભાજપમાંથી આવનારને સીધી રીતે ટિકિટ નહિ અપીએ. ટિકિટ અંગે કાર્યકરોને પૂછીને નિર્ણય લેવામાં આવશે. તેમ અંતમાં જગદીશ ઠાકોરએ ઉમેર્યું હતું.
