કોંગ્રેસના લોકસભા ઉમેદવાર લલિત વસોયાએ ભાજપ પર કર્યો વળતો પ્રહાર, 'ભાજપ સમાજ-સમાજ વચ્ચે ભાગલા પાડી રાજકારણ કરે છે'
Share
ક્ષત્રિય સમાજ ના માન સન્માનની લડતને ભાજપના નેતા પ્રશાંત કોરાટે કોંગ્રેસ પ્રેરિત હોવાનું નિવેદન આપતા ક્ષત્રિયોમાં રોષ વધુ ભભૂક્યો છે. વિરોધ અંગે ભાજપ નેતા પ્રશાંત કોરાટ એ કોંગ્રેસ પર કરેલા આક્ષેપ અંગે કોંગ્રેસના ઉમેદવાર લલિત વસોયાએ વળતો પ્રહાર કર્યો છે. લલિત વસોયાએ જણાવ્યું હતું કે પ્રશાંત કોરાટે કરેલ નિવેદન શરમજનક છે. ક્ષત્રિય સમાજનો અવાજ દબાવવા ભાજપે કોંગ્રેસ પર ખોટો આક્ષેપ કર્યો છે. ભાજપ સમાજ સમાજ વચ્ચે ભાગલા પાડી રાજનીતિ કરે છે. પરષોત્તમ રૂપાલાએ ઈરાદાપૂર્વક ક્ષત્રિય સમાજનું અપમાન કર્યું છે.
લલીત વસોયાએ ભાજપને આપ્યો જવાબ
પરષોત્તમ રુપાલાએ કરેલા બફાટ સામે ક્ષત્રિયો માન સન્માનને લઇ લડાયક બન્યા છે. ત્યારે ભાજપના વધુ એક નેતાએ કરેલી ટિપ્પણીને લઇ ક્ષત્રિયોમાં રોષ બેવડાયો છે. તો બીજી તરફ આ લડતમાં ભાજપ નેતાએ કોંગ્રેસનો ઉલ્લેખ કરતા કોંગ્રેસે વળતો ભાજપ પર પ્રહાર કર્યો છે. ક્ષત્રિય સમાજના વિરોધ અંગે ભાજપના નેતા પ્રશાંત કોરાટ એ કોંગ્રેસ પર કરેલા આક્ષેપનો કોંગ્રેસે જવાબ આપ્યો છે. કોંગ્રેસના લોકસભા ઉમેદવાર લલિત વસોયા એ ભાજપ પર વળતો પ્રહાર કરતા કહ્યુ કે, 'ક્ષત્રિય સમાજનો અવાજ દબાવવા ભાજપ ખોટા આક્ષેપો કરે છે'. ભાજપ સમાજ-સમાજ વચ્ચે ભાગલા પાડી રાજકારણ કરે છે. પરષોત્તમ રૂપાલાએ ઇરાદાપૂર્વક ક્ષત્રિય સમાજનું અપમાન કર્યું છે. કોંગ્રેસ નહીં ભાજપના આગેવાનોએ સમાજમાં ભાગલા પાડ્યા છે.
શું કહ્યુ હતું પ્રશાંત કોરાટે
પ્રશાંત કોરાટે ક્ષત્રિય આંદોલનના મુદ્દે કહ્યું કે ક્ષત્રિય આંદોલન કોંગ્રેસ પ્રેરિત છે. કોરાટ ગુજરાત ભાજપ યુવા મોરચાના પ્રમુખ છે. તેમની આ ટિપ્પણીથી ક્ષત્રિયોમાં આક્રોશ વધુ પ્રસર્યો છે.પ્રશાંત કોરાટે આરોપ લગાવતાં કહ્યું કે કોંગ્રેસ ગુજરાતમાં વર્ગ વિગ્રહ કરવાની કોશિશ કરી રહી છે. કોરાટે કહ્યું કે બે સમાજના લોકોને લડાવવાનું વિરોધીઓનું ષડયંત્ર છે.
રાજકોટ બેઠક પરથી ચૂંટણી લડતા ભાજપના ઉમેદવાર પરષોત્તમ રૂપાલાએ ક્ષત્રિયો સામે કરેલી ટિપ્પણી ભારે પડી રહી છે. રૂપાલાએ એક કાર્યક્રમમાં રજવાડાઓ અંગે તેમજ બહેન દિકરીઓ અંગે કરેલી ટીપ્પણી બાદ ક્ષત્રિય સમાજ રોષે ભરાયા છે અને ગુજરાતના ગામડે ગામડે ક્ષત્રિયોએ લડતના મંડાણ કરી રૂપાલાને હટાવવાની માંગ કરી છે. રૂપાલાએ સમાજની માંફી માગી છે પરંતુ ક્ષત્રિયોનું કહેવું છે કે બહેન દિકરીઓ પર કરેલી ટિપ્પણી માફ કરી શકાય તેવી નથી. ભાજપે રૂપાલાની ટિકિટ રદ કરવી જોઇએ.
