તમારા કામનું / માર્ચ એન્ડીંગ પહેલા આ 8 કામો કરી લેજો પૂર્ણ, ડેડલાઇનને અવગણી તો મુશ્કેલીમાં મુકાશો

આધાર કાર્ડ અપડેટ

જો તમે તમારું આધાર અપડેટ કરવા માંગો છો, તો તમે તેને 14મી માર્ચ સુધી ફ્રીમાં અપડેટ કરી શકો છો. આ પછી તમારી પાસેથી પૈસા વસૂલ કરવામાં આવશે. તમને જણાવી દઈએ કે સરકારે 10 વર્ષ જૂના આધાર કાર્ડને અપડેટ કરવાનું કહ્યું હતું.

Paytm પેમેન્ટ્સ બેંકની અંતિમ તારીખ

આરબીઆઈએ પેટીએમ પેમેન્ટ બેંકની સેવાઓ 15 માર્ચ સુધી ચાલુ રાખવાનો નિર્દેશ આપ્યો હતો. આ પછી પેટીએમ પેમેન્ટ બેંકની તમામ સુવિધાઓ બંધ થઈ જશે. આ ઉપરાંત ગ્રાહકોના ખાતામાં રકમ જમા કરાવવા પર પણ લાગુ થઇ જશે. આ સિવાય ક્રેડિટ ટ્રાન્ઝેક્શન પણ શક્ય નહીં બને. આવી સ્થિતિમાં, તમે તમારી જમા કરેલી રકમ ઉપાડી શકો છો અને તેને બીજે ક્યાંક જમા કરાવી શકો છો.

SBI FDમાં રોકાણ કરવાની છેલ્લી તક

SBI અમૃત કલશમાં રોકાણ કરવાનો છેલ્લો દિવસ 31 માર્ચ, 2024 છે. SBIની વેબસાઈટ મુજબ, તમે 7.10% વ્યાજ દરે 400 દિવસની વિશેષ FD (અમૃત કલશ) મેળવી શકો છો. આ FD હેઠળ વરિષ્ઠ નાગરિકોને 7.60%ના દરે વ્યાજ આપવામાં આવશે.

SBI હોમ લોન ડિસ્કાઉન્ટ

SBI WeCare પર આપવામાં આવતો વ્યાજ દર 7.50% છે. વરિષ્ઠ નાગરિકો માટે SBI WeCare માં રોકાણ કરવાની છેલ્લી તારીખ 31 માર્ચ, 2024 છે. આ ઉપરાંત, SBI હોમ લોન પર વિશેષ ઝુંબેશ ડિસ્કાઉન્ટ 31 માર્ચ, 2024 સુધી માન્ય છે. આ ડિસ્કાઉન્ટ CIBIL સ્કોર મુજબ Flexipay, NRI, નોન-સેલેરી હોમ લોન પર આપવામાં આવશે.

IDBI બેંક વિશેષ FD

IDBI બેંકની વિશેષ FD  300 દિવસ, 375 દિવસ અને 444 દિવસની મુદત માટે  અનુક્રમે  7.05%, 7.10% અને 7.25%ના વ્યાજ દરો ઓફર કરે છે. આ FDમાં નાણાં રોકાણ કરવાની અંતિમ તારીખ 31 માર્ચ, 2024 છે.

આ પણ વાંચોઃ  આધાર કાર્ડ લિંક નથી! તો હવે અનાજ નહીં મળે, કહ્યું 'નવા ફતવાથી લાભાર્થીઓને નુકસાન'

કર બચત સમયમર્યાદા

જો તમે ટેક્સ માટે પૈસા બચાવવા માંગતા હો, તો નાણાકીય વર્ષ 2023-24 માટે ટેક્સ બચાવવા માટેની છેલ્લી તારીખ 31મી માર્ચ છે. આ પહેલા તમારે કોઈપણ ટેક્સ સેવિંગ સ્કીમમાં રોકાણ કરવું પડશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો