કડકડતી ઠંડી / આજથી ગુજરાતમાં વધ્યું ઠંડીનું જોર, 9.2 ડિગ્રી સાથે નલિયા બન્યું રાજ્યનું સૌથી ઠંડુ શહેર, જાણો ક્યાં કેટલું તાપમાન

• રાજ્યમાં ઠંડીના પ્રમાણમાં વધારો 
• બીજા દિવસે 10 ડિગ્રીથી ઓછું તાપમાન
• નલિયા 9.2 ડિગ્રી સાથે સૌથી ઠંડુ 
• અમદાવાદમાં 16.2 ડિગ્રી, રાજકોટમાં 14.2 ડિગ્રી
• ગાંધીનગરમાં 15, વડોદરામાં 17.6, સુરતમાં 19.4 ડિગ્રી

Gujarat Winter Update : ગુજરાતમાં આજથી ઠંડીનું જોર વધ્યું છે. વાત જાણે એમ છે કે, રાત્રિના સમયે અને વહેલી સવારે કડકડતી ઠંડીથી રક્ષણ મેળવવા લોકો તાપણાંનો સહારો લેતા નજરે પડી રહ્યા છે. આ દરમિયાન સતત બીજા દિવસે રાજ્યમાં 10 ડિગ્રીથી ઓછું તાપમાન નોંધાયું છે. આજે રાજ્યમાં સૌથી ઓછું તાપમાન નલિયામાં 9.2 ડિગ્રી નોંધાયું છે.  આ તરફ હવે આગામી 3 દિવસમાં ઠંડીમાં વધારો થવાની સંભાવના છે. 

રાજ્યમાં હાડ થીજવી દે તેવી ઠંડીની ધીમીધારે શરૂઆત થઈ રહી છે. ગુજરાતમાં સતત બીજા દિવસે 10 ડિગ્રીથી ઓછું તાપમાન નોંધાયું છે. જેમાં નલિયામાં 9.2 ડિગ્રી સાથે રાજ્યમાં સૌથી નીચું તાપમાન નોંધવાની સાથે આગામી 3 દિવસમાં ઠંડીમાં વધારો થવાની સંભાવના છે. આ સાથે પોરબંદરમાં 13.4, ડીસામાં 14 ડિગ્રી, રાજકોટમાં 14.2, ભુજમાં 14.8 ડિગ્રી, ગાંધીનગરમાં 15, અમદાવાદમાં 16.2 ડિગ્રી, વડોદરામાં 17.6 અને સુરતમાં 19.4 ડિગ્રી તાપમાન નોંધાયું છે.