સમજુતિ / સરહદ પર ડ્રેગન સાથે તણાવ વચ્ચે ઉદ્ધવ સરકારે ચીનની કંપની સાથે કર્યો કરાર

ચીનની પ્રમુખ વાહન નિર્માતા કંપની ગ્રેટ વોલ મોટર્સ (GWM)  અને મહારાષ્ટ્ર સરકાર વચ્ચે કરાર કરવા હેઠળ કંપની પુનાના તલેગામમાં 3,770 કરોડનું રોકાણ કરશે. ત્યારબાદ તબક્કાવાર 7,600 કરોડ રૂપિયાનું રોકાણ કરશે. આ કંપનીને લઇને અંદાજે 3,000 લોકોને રોજગારી મળવાનો દાવો કરવામાં આવ્યો છે. 

ઉલ્લેખનીય છે કે GWM એસયુવી વાહન બનાવે છે, જે ભારતમાં ઘણી લોકપ્રિય છે. આ કંપનીએ જાન્યુઆરીમાં જ અમેરિકાની વાહન નિર્માતા કંપની જનરલ મોટર્સની સાથે તેલગાંવમાં આવેલ પ્લાન્ટના અધિગ્રહણ માટે કરાર કર્યો હતો. 

GWMની ભારતીય સહાયક કંપનીના પ્રબંધ નિદેશક પાર્કર શીએ કહ્યું કે અમે મહારાષ્ટ્રના સહોયગ માટે શુભેચ્છા પાઠવીએ છીએ. મહારાષ્ટ્ર ઉદ્યોગ વિભાગ તરફથી સોમવારે મુખ્યમંત્રી ઉદ્ધવ ઠાકરેની ઉપસ્થિતિમાં મેગ્નેટિક મહારાષ્ટ્ર-2માં અમેરિકા, ચીન, દક્ષિણ કોરિયા, સિંગાપુર વગેરે 12 દેશના પ્રતિનિધિ સામેલ થયા.