અમદાવાદ / નવા વર્ષની ઉજવણી કરવા વૃદ્ધાશ્રમમાં પહોંચ્યા CM ભૂપેન્દ્ર પટેલ, વડીલો સંગ ભોજન કરી લીધા આશીર્વાદ

• CMએ વૃદ્ધાઆશ્રમમાં કરી ઉજવણી 
• વૃદ્ધાઆશ્રમમાં કરી નૂતન વર્ષની ઉજવણી 
• CMએ વડીલો સાથે કર્યુ ભોજન

સનાધન ધર્મનો સૌથી મોટો ગણાતો દિવાળી તહેવાર જોર શોરથી આ વર્ષે ઉજવાયો છે. આજે બેસતુ વર્ષ છે, જેને લઈ લોકો ઉત્સાહ અને નવા ઉમંગ સાથે એક બીજાને સાલ મુબાઈક કે, હેપ્પી ન્યૂ યર કઈને શુભકામનાઓ પાઠવે છે. ત્યારે આજે કેટલાક લોકો દિવસની શરૂઆત ધાર્મિક દેવસ્થાનોમાં જઈને કરે છે તો કેટલાક પૂર્ણ્યનો કામ કરીને કરે છે. આપણા રાજ્યના મુખ્યમંત્રી ભૂપેન્દ્ર પટેલે નવા વર્ષની ઉજવણી વૃદ્ધાઆશ્રમમાં જઈને કરી છે અને વડીલોના આશીર્વાદ લીધા છે.

નવું વર્ષ એટલે સ્વજનોને મળવાનો અને સાથે મળી ભાવતું ભોજન આરોગવાનો અવસર.

વૃદ્ધાશ્રમમાં રહેતા વડીલો પણ પરિવારભાવ સાથે નવા વર્ષની ઉજવણી કરી શકે તેવી લાગણી સાથે આજે ઇન્ડિયન રેડક્રોસ સોસાયટીના અમદાવાદના વાડજ સ્થિત વૃદ્ધાશ્રમના વડીલો સાથે મુલાકાત કરી. તેમને સ્નેહભાવે ભોજન પીરસ્યું અને… pic.twitter.com/kQj56MbBnn

— Bhupendra Patel (@Bhupendrapbjp) November 14, 2023

વૃદ્ધાઆશ્રમમાં વડીલો સાથે ઉજવણી
અમદાવાદના વાડજમાં વૃદ્ધાઆશ્રમમાં વડીલો સાથે મળીને મુખ્યમંત્રી ભૂપેન્દ્ર પટેલે ઉજવણી કરી છે. વડીલો સાથે ભોજન કરી નવા વર્ષની શરૂઆત કરી છે. અત્રે જણાવીએ કે, વાડજ સ્થિતિ આ વૃદ્ધાઆશ્રમ રેડક્રોસ સોસાયટી સંચાલિત છે. 

અંબાજી મંદિરમાં ભક્તોનું ઘોડાપુર
આજથી ગુજરાત હિન્દૂ નૂતન વર્ષનો પ્રારંભ થતાંની સાથે વહેલી સવારથી જ ભક્તો માં અંબાના દર્શને પહોંચ્યા હતા. બેસતા વર્ષના દિવસે અંબાજી મંદિરમાં ભક્તોની ભારે ભીડ જોવા મળી રહી છે. અંબાજી મંદિરમાં નવા વર્ષની પ્રથમ આરતીમાં માનવ મેહરામણ ઉમટ્યું  હતું. મહત્વનું છે કે, માં જગતજનની અંબાના દર્શન કરી ભક્તોએ વર્ષની શરૂઆત કરી. 

પોઇચા નિલકંઠવર્ણી ધામમાં ભક્તોની ભારે ભીડ 
નર્મદા તટે પોઇચા ગામે નિલકંઠવર્ણી ધામમાં દિવાળીનું મિનિવેકેશન હોવાથી અને આજે નવાવર્ષમાં ભક્તોનું ઘોડાપુર અહી ઉમટી રહ્યું છે. આ સાથે સ્વામિનારાયણ મંદિરના 10 વર્ષ પૂર્ણ થતાં દશાબ્દિ મહોત્સવની ઉજવણી પણ આજથી એટલે કે નવાવર્ષે કરવામાં આવી રહી છે.