- સેલેબ્રિટીઓનો પૂનમ પાંડે પર ફૂટ્યો ગુસ્સો
- મરવાના મજાક પર કહ્યું 'થોડી તો શરમ કરો..'
- શાર્દુલ સહિત તમામ સેલેબ્સે આપ્યું રિએક્શન
પૂનમ પાંડેના ઈન્સ્ટાગ્રામ એકાઉન્ટ પર તેમના મૃત્યુની જાણકારી આપવામાં આવી હતી. પૂનમ પાંડેએ વિડીયો શેર કરીને જણાવ્યું છે કે, ‘હું જીવિત છું’. અભિનેત્રીએ ગઈકાલે આ પોસ્ટ કરતા ચર્ચાનો વિષય બની ગઈ હતી. તમામ લોકો આ બાબતે અલગ અલગ રિએક્શન આપી રહ્યા છે. અલી અને શાર્દુલ સહિત તમામ સેલેબ્સે પૂનમ પાંડેની આ હરકત અંગે રિએક્શન આપ્યું છે.
શાર્દુલ પંડિતે વિડીયો શેર કર્યો
શાર્દુલ પંડિત બિગ બોસ 14માં જોવા મળ્યા હતા. શાર્દુલે વિડીયો શેર કરીને ગુસ્સો જાહેર કર્યો છે અને જણાવ્યું છે કે, ‘પૂનમ પાંડે આ રીતે કરવું યોગ્ય નથી. આ આઈડિયાની સાથે તમને જે પણ વિચાર આવ્યો તે યોગ્ય નથી. આ રીતે કરીને જાગૃતતા ફેલાવવાનો જે પણ આઈડિયા છે તે કૂલ નથી. મને ખૂબ જ દુ:ખ થયું. હું ભગવાનનો આભાર માનું છું કે, તમે જીવિત છો, જે લોકોએ ખરાબ પરિસ્થિતિમાંથી પસાર થવું પડ્યું તેમના માટે મને ખૂબ જ ખરાબ ફીલ થઈ રહ્યું છે.’
અલી ગોની
અલી ગોનીએ ટ્વિટર પર જણાવ્યું કે, ‘આ એક ખૂબ જ ગંદો સ્ટંટ હતો... જો તમને એવું લાગી રહ્યું હોય કે આ બધુ એક રમત છે. તમારો અને તમારી પીઆર ટીમનો બહિષ્કાર કરવો જોઈએ. તમારા પર મને શરમ આવે છે...’
આરતી સિંહ પોસ્ટ
આરતી સિંહે પોસ્ટ શેર કરીને લખ્યું કે, ‘આ ખૂબ જ ધિક્કારવાલાયક છે. આ જાગૃતતા નથી, મેં કેન્સરના કારણે મારી માતા અને પિતાનો સાથ ગુમાવ્યો છે. મારી મમ્મી ડોકટરને કહેતી હતી કે, મને બચાવી લો. મારું બાળક હમણાં જ જન્મ્યુ છે અને મારે એક વર્ષનો દીકરો છે. તમે જાગૃતતા નહીં અસત્ય ફેલાવી રહ્યા છો. હોસ્પિટલ જઈને લોકોને જુઓ, લોકો જીવન સામે જંગ લડી રહ્યા છે.’
પ્રિંસ નરૂલાની પોસ્ટ
પ્રિંસ નરૂલાને પૂનમ પાંડેની આ હરકત બિલ્કુલ પણ પસંદ આવી નથી. પ્રિંસ નરૂલાએ પોસ્ટ કરીને જણાવ્યું છે કે, ‘મને નથી ખબર કે, પૂનમ પાંડેએ આ બરાબર કર્યું કે ખોટું, પણ મારા માટે તદ્દન ખોટું છે. મને શરમ આવે છે કે, ઈન્ડસ્ટ્રીમાં આવા લોકો પણ છે, જેમણે સ્ટંટ માટે આ બધુ કરવું પડે છે. મને એવું લાગે છે કે, મેં કાલનો દિવસ વેસ્ટ કરી દીધો.’
કુશાલ ટંડન પોસ્ટ
કુશાલ ટંડને પોસ્ટ શેર કરીને જણાવ્યું કે, ‘કોઈ પોતાના જ મોતની ખબર કેવી રીતે ફેલાવી શકે.’
વધુ વાંચો: ફરીવાર મહાદેવની ભક્તિમાં અક્ષયકુમાર લીન, ગાયું 'શંભુ' ગીત, કર્યું તાંડવ, જાણો ક્યારે થશે રિલીઝ
રાખી સાવંતનું રિએક્શન
રાખી સાવંતે વિડીયો શેર કરીને જણાવ્યું છે કે, ‘આ ખૂબ જ ગંદો પ્રેંક છે. આવું ના કરવું જોઈએ. પૂનમ પાંડેની આ હરકતથી લોકો ખૂબ જ દુખી છે.’
