- ટાટાની આ કાર લોકપ્રિય
- 10 લાખ કરતા પણ ઓછી છે કિંમત
- જાણો શું છે ફિચર્સ
ભારતમાં કોમ્પેક્ટ એસયુવી કારોનું જબરદસ્ત વેચાણ ચાલી રહ્યું છે. લોકો સ્પેસ, કમ્ફર્ટ અને એક મોટી ગાડીના લુક માટે એસયુવી ખરીદવાનું વધારે પસંદ કરે છે. એસયુવી કારોના વધારે વિચાણનું મોટુ કારણ એ છે કે આ કારો હવે હેચબેકની કિંમત પર મળે છે. અને સારી સેફ્ટી પણ મળે છે.
જો કોમ્પેક્ટ એસયુવીની વાત કરવામાં આવે તો પાછલા ઘણા વર્ષોથી મારૂતિ બ્રેઝા એક સેગમેન્ટને લીડ કરી રહી હતી. પરંતુ હવે તેને બજારમાં ઉપલબ્ધ અન્ય કારો સાથેથી પણ તગડો પડકાર મળી રહ્યો છે.
આ સેગમેન્ટની કારોમાં હવે સારા ફિચર્સ, એન્જિન અને પરફોર્મન્સ આપવાનું એવું કોમ્પીટિશન ચાલી રહ્યું છે કે કંપનીઓ આ કારોને ઘણી વખત અપડેટ કરી ચુકી છે. હાલમાં જ નવા અવતારમાં લોન્ચ થયેલી એક એસયુવી બ્રેઝાને જબરદસ્ત ટક્કર આપી રહી છે.
ટાટા નેક્સન ખૂબ જ લોકપ્રિય
ભારતીય બજારમાં ટાટા નેક્સનનું ખૂબ જ વેચાણ ચાલી રહ્યું છે. ગયા મહિને એસ યુવીએ વેચાણના મામલામાં નંબર-1 પર રહેનાર બ્રેઝા એસયુવીને પાછળ છોડી દીધી છે. ઓક્ટોબર 2023માં બ્રેઝા 16,050 યુનિટ્સ વિચ્યા.
જ્યારે નેક્સાનના 16,887 યુનિટ્સના વેચાણ નોંધાયા. જણાવવામાં આવી રહ્યું છે કે નેક્સોનનું ફેસલિફ્ટ મોડલ લોકોને ખૂબ જ પસંદ આવી રહ્યું છે. નવા અવતારમાં આ એસયુવી હવે વધારે આકર્ષક થઈ ગઈ છે.
પોતાના નવા વર્ઝનમાં આ એસયુવી ગ્લોબલ એનસીએપી ક્રેશ ટેસ્ટમાં સેફ્ટી માટે 5-સ્ટાર સેફ્ટી રેટિંગ લઈને આવી છે. નેક્સોન પોતાની સેફ્ટી રેટિંગના કારણે દેશભરમાં પહેલાથી જ લોકપ્રિય છે. ટાટા નેક્સોની કિંમત 8.10 લાખ રૂપિયાથી શરૂ થઈને 15.50 લાખ રૂપિયા સુધી જાય છે.
પેટ્રોલ અને ડિઝલ બન્ને યુનિટ
ટાટા નેક્સનમાં પેટ્રોલ અને ડીઝલ બન્ને એન્જિન વિકલ્પ મળે છે. તેમાં પહેલું 1.2 લીટર ટર્બો પેટ્રોલ એન્જિન છે જે 120 બીએચપી પાવર અને 170 એનએમનો ટોર્ક જનરેટ કરે છે. ત્યાં જ બીજુ 1.5 લીટર ડીઝલ એન્જિન છે જે 115 બીએચપી પાવર અને 260 એનએમ ટોર્કનું આઉટપુટ આપે છે.
ટ્રાન્સમિશન વિકલ્પમાં 5-સ્પીડ મેન્યુઅલ, 6 સ્પીડ મેન્યુઅલ, 6-સ્પીડ એએમટી અને એક નવું 7-સ્પીડ ડુઅલ ક્લચ ટ્રાન્સમિશન શામેલ છે. ડીઝલ યુનિટની સાથે 6-સ્પીડ મેન્યુઅલ અને 6-સ્પીડ એએમટીનો વિકલ્પ આપવામાં આવ્યો છે. નેક્સોનમાં 25 કિલોમીટર પ્રતિ લીટરની માઈલેટ મળવાનો દાવો કરવામાં આવે છે.
