અમદાવાદ / AMC ચૂંટણી: ભાજપ ઉમેદવારોને લઇ મોટા સમાચાર, જુઓ કોને-કોને ફોન આવ્યાં?

Published By: Vishal Khamar

Last Updated: 03:29 PM, 10 April 2026

FOLLOW ON

શેર કરો

અમદાવાદ મ્યુનિસિપલ કોર્પોરેશનની ચૂંટણી માટે ભાજપના ઉમેદવારોની સાંજ સુધી યાદી જાહેર થવાની શક્યતાઓ છે. તેમજ અમુક ઉમેદવારોને ફોન પણ આવ્યો હોવાની માહિતી સૂત્રો દ્વારા મળી રહી છે.

સ્થાનિક સ્વરાજ્યની ચૂંટણી માટે ભાજપે પાલિકા-પંચાયતની ચૂંટણી માટે ઉમેદવારોની જાહેરાત શરૂ કરી દીધી છે. આવતીકાલે 11 એપ્રિલના રોજ ઉમેદવારીપત્ર ભરવાનો અંતિમ દિવસ છે. ભાજપ તેમજ કોંગ્રેસ દ્વારા હજુ પણ ઉમેદવારોના નામની જાહેરાત થવાની બાકી છે. આજે ભારતીય જનતા પાર્ટી દ્વારા પાર્લામેન્ટરી બોર્ડની બેઠક પણ બોલાવવામાં આવી છે. બાકી રહેલા ઉમેદવારોના નામ સાંજ સુધી જાહેર કરી દેવામાં આવે તેવી શક્યતાઓ છે.

આજ સાંજ સુધી ઉમેદવારોના નામની જાહેરાત થવાની શક્યતાઓ

ભારતીય જનતા પાર્ટીએ સ્થાનિક સ્વરાજ્યની ચૂંટણીને લઈ મોટા ભાગના ઉમેદવારોના નામની જાહેરાત કરી દેવામાં આવી છે. આજે ભાજપે પાટણ, અમદાવાદ, નર્મદા જિલ્લાના પાલિકા-પંયાયતના ઉમેદવારોના નામની જાહેરાત કરી છે. આજ સાંજ સુધી ભાજપ દ્વારા અમદાવાદ મહારનગર પાલિકા માટે ઉમેદવારોના નામની જાહેરાત કરવામાં આવે તેવી શક્યતાઓ છે. તેમજ અમુક ઉમેદવારોને ટેલિફોનિક જાણ કરી દેવામાં આવી છે.

કોને કોને જાણ કરવામાં આવી

જેમાં સરખેજ વોર્ડ માટે દિવ્યેશ ત્રિપાઠીને આવ્યો ફોન આવ્યો, વેજલપુર વોર્ડ રાજેશ ઠાકોર ને આવ્યો ફોન, હેમા શાહ અને જેઠીબેન ભરવાડને સરખેજ વોર્ડની મળી ટિકિટ, ઉમેદવારોને ધારાસભ્ય મારફતે આવી રહ્યા છે કોલ, વેજલપુર વોર્ડ માટે રાજેશ ઠાકોરને આવ્યો ફોન.