ભરૂચ / ગુરુ-શિષ્યના સંબંધોને લાંછન! સ્કૂલના પ્રિન્સિપાલે વિદ્યાર્થિની પર દુષ્કર્મ આચર્યાનો આક્ષેપ

રાજ્યમાં દિન પ્રતિદિન મહિલાઓ તેમજ યુવતીઓ પર અત્યાચાનાં કિસ્સાઓ વધી રહ્યા છે. તો અમુક મહિલાઓ કે યુવતીઓ પોલીસ મથકે ફરિયાદ કરતી હોય છે. જ્યારે અમુક મહિલાઓ તેમજ યુવતીઓ સમાજમાં આબરૂ જવાના ડરે ફરિયાદ કરવાનું ટાળતી હોય છે. ત્યારે ભરૂચમાં ગુરૂ-શિષ્યનાં સબંધને શર્મસાર કરતી એક ઘટનાં સામે આવી છે.

પ્રિન્સિપાલે પૂર્વ વિદ્યાર્થિની પર દુષ્કર્મ આચર્યા

ભરૂચમાં પ્રતિષ્ઠિત સેન્ટ ઝેવિયર્સ સ્કૂલના પ્રિન્સિપાલે પૂર્વ વિદ્યાર્થિની પર દુષ્કર્મ આચર્યાનો આક્ષેપ કરવામાં આવ્યો છે. સ્કૂલના પ્રિન્સિપાલ કમલેશ રાવલે વર્ષ 2022થી 2024 દરમિયાન દુષ્કર્મ ગુજાર્યાનો સગીર વિદ્યાર્થિનીએ આ આક્ષેપ કર્યો છે. ફરિયાદ પ્રમાણે આરોપી પ્રિન્સિપાલે ઓફિસમાં બોલાવીને તેના પર દુષ્કર્મ ગુજાર્યું હતું.

સેન્ટ ઝેવિયર્સ સ્કૂલના પ્રિન્સિપાલ સામે આક્ષેપ

પ્રિન્સિપાલે ઓફિસમાં બોલાવીને તેના પર દુષ્કર્મ આચર્યા બાદ ગેટ ટૂ ગેધરના કાર્યક્રમના દિવસે પણ ફરી દુષ્કર્મ ગુજાર્યું હતું. જો કે બદનામીના ડરથી વિદ્યાર્થિની કશું નહોતી કહેતી. આ અંગે વિદ્યાર્થિનીએ પરિવારને જાણ કરતાં પ્રિન્સિપાલ વિરુદ્ધ પોલીસ ફરિયાદ નોંધાવવામાં આવી છે. પોલીસ મથકે ફરિયાદ થતાં આરોપી પ્રિન્સિપાલ કમલેશ રાવલ પલાયન થઈ ગયો છે.

આ પણ વાંચો: બોટાદમાં બાઈકની ટક્કર તો સાબરકાંઠામાં ટ્રેક્ટરે પલટી મારી, બે અકસ્માતમાં ત્રણ લોકોના મોત

લંપટ શિક્ષકએ ગુરૂ શબ્દને લજવ્યો

કહેવાય છે ગુરુ એ બાળકનું ભવિષ્ય ઉજ્વળ કરે પરંતુ આ કલંકિત શિક્ષકોએ ગુરૂ શબ્દને લજવ્યો છે. સમાજમાં માં પછી જો કોઈ બીજા ગુરુ હોય તો એ શિક્ષક છે. પરંતુ આજકાલ અમુક શિક્ષકો અભ્યાસ કરાવવાને બદલે લંપટ લીલાઓ અને અડપલા કરતા હોવાની ઘટના સામે આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ