- કર્ણાટક વિધાનસભા ચૂંટણીનું પરિણામ 13 મે એ છે
- આક્ષેપ- દક્ષિણ આફ્રિકામાં વાપરેલ કરેલ EVMનો ઉપયોગ કર્ણાટકમાં થયો
- ચૂંટણી પંચે કડક શબ્દોમાં આપ્યો જવાબ
- દક્ષિણ આફ્રિકામાં EVMનો ઉપયોગ થતો જ નથી
કર્ણાટક વિધાનસભા ચૂંટણીનું પરિણામ 13 મે એટલે કે શનિવારે આવશે. જણાવી દઈએ કે દક્ષિણ ભારતનો પ્રવેશ દ્વાર કહેવાતા આ રાજ્યના ચૂંટણી પરિણામો પર સૌની નજર ટકેલી છે. એ વાત તો નોંધનીય છે કે આ રાજકીય પક્ષો માટે બૂસ્ટર ડોઝ સાબિત થઈ શકે છે અથવા તો તેના વિરુદ્ધ પરિણામો બતાવશે કે જનતાએ તમને નકારી દીધા છે. એવામાં હાલ તે પહેલા EVMનો વિવાદ વધુ ઘેરો બન્યો છે.
દક્ષિણ આફ્રિકામાં વાપરેલ કરેલ EVMનો ઉપયોગ કર્ણાટકમાં થયો
વાત એમ છે કે કોંગ્રેસના નેતા રણદીપ સુરજેવાલાએ ચૂંટણી પંચને પત્ર લખ્યો હતો, જેનો ચૂંટણી પંચે જવાબ આપ્યો છે. જણાવી દઈએ કે સુરજેવાલાએ ECને લખેલા પોતાના પત્રમાં કહ્યું હતું કે કર્ણાટક ચૂંટણીમાં જે EVMનો ઉપયોગ કરવામાં આવ્યો હતો તેનો ઉપયોગ દક્ષિણ આફ્રિકામાં પણ કરવામાં આવ્યો છે. મશીનની ફરીથી ચકાસણી કરવામાં આવી ન હતી. તેને દક્ષિણ આફ્રિકાથી સીધું લાવવામાં આવ્યું હતું અને કર્ણાટક વિધાનસભા ચૂંટણીમાં તેનો ઉપયોગ કરવામાં આવ્યો હતો.
ચૂંટણી પંચે કડક શબ્દોમાં આપ્યો જવાબ
આના જવાબમાં ચૂંટણી પંચે કહ્યું છે કે મશીન ક્યારેય દક્ષિણ આફ્રિકા ગયા નથી. આ સાથે પંચે કોંગ્રેસને કહ્યું કે તમને તે સ્ત્રોતનો ખુલાસો કરો કે જેનાથી તમને આ માહિતી મળી છે. કોંગ્રેસના પત્ર પર પંચે એમ પણ કહ્યું કે તે દેશમાં ઈવીએમનો ઉપયોગ થતો નથી.
8 મેના રોજ કોંગ્રેસે લગાવ્યા હતા આક્ષેપો
કર્ણાટકમાં 10 મેના રોજ મતદાન થયું હતું. આ પહેલા 8 મેના રોજ કોંગ્રેસે આ સવાલો ઉઠાવ્યા હતા. કમિશને તેના જવાબમાં કડક લહેકાનો ઉપયોગ કર્યો હતો. તેમણે કહ્યું કે આખરે કોંગ્રેસ પાસે એવો કયો સ્ત્રોત છે જે ખોટી અને ભ્રામક માહિતી ફેલાવી રહ્યું છે. જ્યારે EVM ક્યાંય ગયું નથી તો પછી વોટિંગ મશીન સાઉથ આફ્રિકામાં ગયું એવું કેવી રીતે કહી શકાય. ચિંતા વ્યક્ત કરતા ચૂંટણી પંચે કોંગ્રેસને સ્ત્રોતનું નામ આપવા જણાવ્યું હતું. જેથી તેના પર કાર્ય કરી શકે. આગળ પંચે કહ્યું હતું કે આવી ખોટી અને ભ્રામક માહિતીને કારણે નુકસાન થાય છે.
દક્ષિણ આફ્રિકામાં EVMનો ઉપયોગ થતો જ નથી
ચૂંટણી પંચે તો ત્યાં સુધી કહ્યું છે કે દક્ષિણ આફ્રિકાથી અહીં ઈવીએમ આવવાની વાત સાવ ખોટી છે. ઈવીએમ ક્યારેય અન્ય કોઈ દેશમાંથી આયાત કરવામાં આવ્યા ન હતા. દક્ષિણ આફ્રિકાના ચૂંટણી પંચની વેબસાઈટ પર જઈને જોઈ શકો છો કે ત્યાં મશીનનો ઉપયોગ થતો નથી. ચૂંટણી પંચે કહ્યું કે કોંગ્રેસ સૌથી જૂની અને રાષ્ટ્રીય પાર્ટી છે. તે તમામ પ્રોટોકોલ પણ જાણે છે.
