સ્પોર્ટસ / BCCIએ ફગાવી પાકિસ્તાનની માંગ, ફરી લટક્યો ચેમ્પિયન ટ્રોફીનો વિવાદ, સામે આવ્યું મોટું અપડેટ

ચેમ્પિયન્સ ટ્રોફીના મામલામાં પાકિસ્તાન ક્રિકેટ બોર્ડ ઈચ્છતું હતું કે હાઈબ્રિડ મોડલ સ્વીકારવાના બદલામાં તેનું પોતાનું કામ પણ નીકળી જાય અને બીસીસીઆઈ જે ઇચ્છે છે તે પણ થઇ જાય. વાસ્તવમાં પીસીબીએ કહ્યું હતું કે જો ભારતીય ટીમ તેમના દેશમાં આવવા માંગતી નથી, તો પાકિસ્તાનની ટીમ પણ આગામી ઇવેન્ટમાં રમવા માટે ભારત નહીં જાય અને તેના માટે પણ હાઇબ્રિડ મોડલ લાગુ કરવું જોઈએ. સ્પષ્ટ રીતે કહીએ તો

પાકિસ્તાને કહ્યું હતું કે તેની ટીમ પણ ભવિષ્યમાં મેચ રમવા ભારત નહીં જાય અને ભારતમાં તેની સામે જે પણ મેચો થવાની હોય તે મેચો તટસ્થ સ્થળે ( બન્ને દેશમાં નહીં પણ અન્ય ત્રીજા દેશમાં )યોજાશે . BCCIએ આગામી ભારત અને પાકિસ્તાન મેચો હાઇબ્રિડ મોડલ હેઠળ યોજવાની માંગને ફગાવી દીધી છે.

માગણી એવી હતી કે આગામી 3 વર્ષ સુધી કોઈપણ ICC ઈવેન્ટમાં યોજાનારી ભારત-પાકિસ્તાન મેચ તટસ્થ સ્થળે યોજવી જોઈએ. દુબઈને તટસ્થ સ્થળ તરીકે નામ આપવામાં આવ્યું હતું અને આ ફોર્મ્યુલાને સૌપ્રથમ 'ભાગીદારી' કહેવામાં આવ્યું હતું. શરૂઆતમાં તેને લીલી ઝંડી આપવાની અટકળો હતી, પરંતુ હવે પાકિસ્તાની મીડિયા અનુસાર, BCCIએ આ માંગને ફગાવી દીધી છે.

BCCIએ દુબઈમાં મેચ યોજવાની માંગને ફગાવી દીધી હતી

રિપોર્ટ અનુસાર, BCCIએ અગાઉ આ 'પાર્ટનરશિપ' ફોર્મ્યુલામાં રસ દાખવ્યો હતો, જેના હેઠળ આગામી 3 વર્ષ સુધી ભારત અને પાકિસ્તાનની મેચ દુબઈમાં યોજાવાની હતી. બીસીસીઆઈએ રવિવારની રજાને ટાંકીને કોઈ નિર્ણય આપ્યો નથી, જ્યારે યુએઈમાં સોમવાર અને મંગળવારે ઓફિસો બંધ રહે છે. દરમિયાન, જય શાહે 1 ડિસેમ્બરે ICC અધ્યક્ષનું પદ સંભાળ્યું છે. આ તમામ ઘટનાઓ વચ્ચે ચેમ્પિયન્સ ટ્રોફીના કેસનો નિર્ણય હજુ પણ અટવાયેલો છે.

એક પાકિસ્તાની મીડિયા વેબસાઈટ દ્વારા પીસીબીના એક સૂત્રને ટાંકવામાં આવ્યું હતું કે, "અમે સંપૂર્ણ રીતે યોગ્ય ઉકેલ રજૂ કર્યો હતો. હવે જો ભારત આ ફોર્મ્યુલાને સ્વીકારતું નથી, તો તેણે ભવિષ્યમાં અમારી ટીમને તેમના દેશમાં મોકલવાની અપેક્ષા રાખવી જોઈએ નહીં. જો. ભવિષ્યમાં આઈસીસીની કોઈપણ ઈવેન્ટ ભારતમાં થાય છે તો તેણે દુબઈમાં અમારી સામે મેચ રમવી પડશે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ