અકસ્માત / ચોટીલાથી પરત આવતા સમયે યુવકના પત્ની, માતા-પિતાનું નિધન: નાના-નાના દીકરા-દીકરી માટે હવે એક પિતા જ આખો પરિવાર

• મહીસાગરના પરિવારને ચોટીલાથી પરત ફરતા સમયે કાળ ભરખી ગયો
• બગોદરા હાઈવે પરના અકસ્માતમાં એકજ પરિવાર 4 સભ્યે જીવ ગુમાવ્યો 
• ભાથલા ગામના જેશીંગ સોલંકીના પત્નિ, પુત્રી, માતા-પિતાનું મૃત્યુ

અમદાવાદના બાવળા - બગોદરા નજીક ભયાનક અકસ્માતમાં 10 લોકોના મોત થયા હતા, 10થી પણ વધુ લોકોને સારવાર હેઠળ ખસેડવામાં આવ્યા હતા. ટ્રક પાછળ છોટાહાથી ઘૂસી જતા અકસ્માત સર્જાયો હતો. મહિસાગરના પરિવારને ચોટીલાથી પરત ફરતા સમયે અકસ્માત નડ્યો હતો. બગોદરા હાઈવે પરના અકસ્માતમાં એકજ પરિવાર 4 સભ્યે જીવ ગુમાવ્યો હતો. 

MLA માનસિંહ ચૌહાણ પરિવારને મળવા પહોંચ્યા
ભાથલા ગામના જેશીંગ સોલંકીના પત્નિ, પુત્રી, માતા-પિતાનું મૃત્યુ ચકચાર મચી ગયો હતો. જેશીંગભાઈની 2 વર્ષની દીકરી અને 5 વર્ષના પુત્રનો આબાદ બચાવ થયો હતો. જો કે સમગ્ર ઘટનાને પગલે બાલાસિનોરના MLA માનસિંહ ચૌહાણ પરિવારને મળવા પહોંચ્યા હતો. 

પરિવાર ઘેરા શોકમાં
મોતના સમાચાર પરિવારજનોને મળતા પરિવારમાં દુ:ખનો માતમ છવાઈ ગયો છે. એક જ પરિવારના 4 લોકોના મોત થતાં પરિવાર ઘેરા શોકમાં ગરકાવ થયો હતો. અકસ્માતનની ઘટનાને પગલે સમગ્ર બાલાસિનોર પંથકમાં ચકચાર મચી જવા પામ્યું છે. 

અકસ્માતમાં 10 લોકોના મૃત્યું થયા હતા
બાવળા બગોદરા રોડ પર ગોઝારા અકસ્માતમાં 5 મહિલા, 3 બાળકો, 2 પુરુષનું મોત થયું હતા. વિગતો મુજબ છોટા હાથીની અંદર આગળ 3 લોકો અને પાછળ 10 લોકો બેઠા હતા. આ લોકો ચોટીલા દર્શન કરીને ફરી રહ્યા હતા ત્યારે આ અકસ્માત સર્જાયો હતો. આ તરફ અકસ્માત બાદ 10 લોકોને સરકારી હોસ્પિટલમાં સારવાર માટે ખસેડવામાં આવ્યા છે. નોંધનીય છે કે, 10 લોકોના ઘટનાસ્થળે જ કમકમાટીભર્યા મોત થતાં ચકચાર મચી ગઈ હતી.