મિલાવટ / ઈડરમાં લગ્નની બાસુંદીની જયાફત ભારે પડી: 50 લોકોને હોસ્પિટલમાં કરવા પડ્યા દાખલ, જાણો શું થયું

• ઈડરમાં ફૂડ પોઈઝનિંગની ઘટના
• 50થી વધુ લોકો હોસ્પિટલમાં દાખલ
• બાસુંદીના લીધે ફૂડ પોઈઝનિંગની ઘટના

હાલમાં લગ્નસરાની સીઝન ચાલી રહી છે. કેટલાક લેભાગુ વેપારીઓ દ્વારા માવાની મીઠાઈ તેમજ દૂધમાંથી બનાવેલ ખાદ્યચીજવસ્તુમાં મિલાવટ કરી લોકોના આરોગ્ય સાથે ચેડા કરતા હોય છે. ઈડરમાં એક લગ્ન પ્રસંગમાં બાસુંદી ખાધા બાદ લોકોને ફ્રુડ પોઈઝનિંગની અસર થતા તેઓને તાત્કાલીક સારવાર અર્થે ખસેડાયા હતા. 

50 લોકોના ફ્રુડ પોઈઝનિંગની અસર થતા સારવાર હેઠળ
સાબરકાંઠાનાં ઈડરમાં ફ્રૂડ પોઈઝનિંગની ઘટના બનવા પામી હતી. ત્યારે લગ્ન પ્રસંગ હોઈ જમણવારમાં બાસુંદી ખાધા બાદ લોકોને ફ્રૂડ પોઝનિંગની અસર થઈ હોવાનું લોકો માની રહ્યા છે. ફ્રુડ પોઈઝનિંગની અસર થતા લોકોને તાત્કાલીક સારવાર અર્થે ખસેડવામાં આવ્યા હતા. 50 થી વધુ લોકોને ફ્રુડ પોઈઝનિંગની અસર થતા તેઓને સારવાર અર્થે ખાનગી હોસ્પિટલમાં ખસેડાયા હતા. લગ્ન સમારંભમાં એકાએક લોકોને ફ્રુડ પોઈઝનિંગ થતા લગ્ન સમારંભમાં પણ દોડધામ મચી જવા પામી હતી. લગ્ન સમારંભમાં બાસુંદી ભવાની રસ મલાઈ નામની દુકાનમાંથી મંગાવવામાં આવી હતી. ખાણીપીણીની પેઢી પર વાર્ષિક કોઈ તપાસ હાથ ધરવામાં આવતી નથી.
માત્ર બાસુંદી જ બહારથી મંગાવવામાં આવી હતી
આ બાબતે લગ્ન સમારંભના હાજર રહેલ વ્યક્તિએ જણાવ્યું હતું કે જમવાની તમામ વસ્તુઓ તાજી બનાવવામાં આવી હતી. માત્ર બાસુંદી ભવાની રસ મલાઈ નામની દુકાનમાંથી મંગાવવામાં આવી હતી. જેથી બાસુંદીના કારણે લોકોની તબીયત લથડી હોવાનું માનવામાં આવી રહ્યું છે.