શિવ ભક્તો આખું વર્ષ જેની રાહ જોતા હોય છે, એવી અમરનાથ યાત્રા આ વર્ષે 29 જૂનથી શરૂ થઈ રહી છે. પરંતુ આજે યાત્રા શરૂ થતા પહેલા જ બાબા બર્ફાનીના દર્શન કરાવી દઈએ. ખરેખર, વર્ષ 2024ની બાબા બર્ફાનીની આ પહેલી તસવીર અને વીડિયો સામે આવ્યા છે. કેટલાક શિવભક્તો લગભગ 5 દિવસ પહેલા ગુફા પર જઈને બાબા બર્ફાનીના દર્શન કર્યા અને તેમની સાથે આ તસવીર પણ લઈને આવ્યા. અમરનાથ ગુફાના બંને રસ્તાઓ પર હજુ પણ ઓછામાં ઓછો 5 થી 7 ફૂટ બરફ છે.
ન થઈ શક્યો હવાઈ સર્વે
ખરાબ હવામાન અને અમરનાથ યાત્રાના બંને માર્ગો પર ભારે બરફના કારણે હજુ સુધી શ્રાઈન બોર્ડના કોઈ પણ અધિકારી ગુફા સુધી પહોંચી શક્યા નથી અને ન તો કોઈ હવાઈ સર્વે થઈ શક્યો છે.
અત્યાર સુધીમાં 1.5 લાખ રજીસ્ટ્રેશન
આ વર્ષની અમરનાથ યાત્રા 29 જૂનથી શરૂ થઈ રહી છે અને 19 ઓગસ્ટ રક્ષાબંધન સુધી ચાલશે. લગભગ 50 દિવસ સુધી ચાલનારી અમરનાથ યાત્રા માટે અત્યાર સુધીમાં 1.5 લાખથી વધુ શિવભક્તોએ રજીસ્ટ્રેશન કરાવી લીધું છે. અમરનાથ યાત્રા માટે રજીસ્ટ્રેશન 15 એપ્રિલથી શરૂ થઈ ગયું છે. કોઈપણ ભક્ત જે આ યાત્રા પર જવા માંગે છે તે સત્તાવાર વેબસાઇટ https://jksasb.nic.in પર રજીસ્ટ્રેશન કરાવી શકે છે.
વર્ષમાં એક જ વખત થનારી અમરનાથ યાત્રા બે રૂટથી થાય છે. પહેલો માર્ગ અનંતનાગ જિલ્લામાં પરંપરાગત 48 કિમી લાંબા નુનવાન-પહલગામ માર્ગ દ્વારા છે અને બીજો માર્ગ ગાંદરબલ જિલ્લામાં 14 કિમી ટૂંકા અને સાંકડા બાલટાલ માર્ગ દ્વારા છે. આ યાત્રાનું આયોજન જમ્મુ અને કાશ્મીર સરકાર અને શ્રી અમરનાથ જી શ્રાઈન બોર્ડના સંયુક્ત સહયોગથી કરવામાં આવે છે.
વધુ વાંચો: રાજસ્થાન થઇ જશે માલામાલ! આ જગ્યાએથી મળી આવ્યો સોનાનો અખૂટ ભંડાર? તપાસ શરૂ
પાણીના ટીપાથી બંને છે બરફનું શિવલિંગ
પૌરાણિક કથાઓ અનુસાર, આ પવિત્ર ગુફામાં જ ભગવાન શિવે દેવી પાર્વતીને જીવન અને અનંતકાળનું રહસ્ય સંભળાવ્યું હતું. સાથે જ તેને 51 શક્તિપીઠોમાંથી એક માનવામાં આવે છે. દર વર્ષે અહીં કોઈ ચોક્કસ જગ્યાએ પડતા પાણીના ટીપામાંથી શિવલિંગની રચના થાય છે. જેના દર્શન કરવા માટે ભક્તો ઘણા કિલોમીટરની મુશ્કેલ યાત્રા કરીને બાબા બર્ફાની સુધી પહોંચે છે.
