- રક્ષાબંધનમાં બની રહ્યો છે ખાસ યોગ
- કપડાં, વાહન, ખરીદી માટે ખૂબ જ સારો સમય
- જાણો જ્યોતિષશાસ્ત્રીના મત મુજબ ફાયદો
હિન્દુ ધર્મમાં મહત્વનો ગણાતા રક્ષાબંધનના તહેવારને હવે આંગળીના વેઠે ગણી શકાય તેટલા દિવસો બાકી રહ્યા છે. ત્યારે ખાસ વખતે રક્ષાબંધન જુદા જુદા પ્રાંતોમાં 30 અને 31 ઓગસ્ટ એમ બંને દિવસે મનાવવામાં આવશે. જેને લઈને જ્યોતિષશાસ્ત્રી ડો. અરુણે કુમાર શર્માના જણાવ્યા અનુસાર રક્ષાબંધન પર લગભગ 20 વર્ષ બાદ ગ્રહ-નક્ષત્રોમાં મોટો શુભ સંયોગ બનવા જઈ રહ્યો છે.
મંગલ ધનિષ્ઠા નક્ષત્રનો યોગ
જ્યોતિષવિદનું માનીએ તો રક્ષાબંધન પર બુધાદિત્ય યોગ અને રવિ યોગ સાથે મંગળ ધનિષ્ઠા નક્ષત્ર રહશે. જે ખરીદી માટે ખૂબ જ ઉત્તમ માનવામાં આવે છે. મંગલ ધનિષ્ઠા નક્ષત્ર 30 ઓગસ્ટના રોજ સવારથી 8.46 વાગ્યા સુધી રહેશે. આ સમયગાળા દરમિયાન કપડા, ઘરેણા, પ્રોપર્ટી, વાહન સહિતની વસ્તુઓ ખરીદવા માટે સૌથી બેસ્ટ સમય છે ત્યારે આવો જાણીએ વિસ્તારથી!
કપડા, વાહન ખરીદી માટે ઉત્તમ
આ સંયોગ દરમિયાન તમે કપડાની ખરીદી કરી શકો છો અને બહેનને ભેટ સ્વરૂપે કપડા દેવામાં આવે તો તે ખૂબ જ આવકારદાયક માનવામાં આવે છે. તે જ રીતે રક્ષાબંધનના આ દિવસે કોઈપણ ઘરેણાની પણ ખરીદી કરી શકો છો. જે પણ ફાયદાકારક માનવામાં આવે છે.
ધનિષ્ઠા નક્ષત્રમાં મકાન, દુકાન સહિત જમીન અને કોઈપણ પ્રૉપર્ટી ખરીદવા માટે ખૂબ અનુકૂળ માનવામાં આવે છે. જેનો લાંબા ગાળે ફાયદો પણ થઈ શકે છે. ઉપરાંત રક્ષાબંધન પર વાહન ખરીદવા માટે પણ શુભ સંયોગ જોવા મળી રહ્યો છે આ દિવસે વાહનની ખરીદી ખુબ જ લાભદાયક માનવામાં આવે છે.
