SHORT & SIMPLE / કોઇએ મને કંઇ નથી કીધું, હું મારી જાતે...: સુસાઇડ નોટ લખી ગૌશાળાના ગૌ સેવકે કર્યો આપઘાત

• ગોંડલમાં ગૌશાળાના ગૌ સેવકે કર્યો આપઘાત
• હદમતાળા ગૌશાળામાં છેલ્લા 10 વર્ષથી ગૌ સેવક કરતો હતો કામ
• આત્મારામ ગોંડલીયા નામના પ્રૌઢે કર્યો આપઘાત

ગોંડલની હદમતાળા ગૌશાળાના ગૌ સેવકે સુસાઈડ નોટ લખી આપઘાત કરી લેતા ચકચાર મચી જવા પામી છે. ગૌ સેવકે પોતાની મરજીથી આપઘાત કર્યાનો સુસાઈડ નોટમાં ઉલ્લેખ કર્યો છે. હાલ ગોંડલ તાલુકા પોલીસે આ મામલે તપાસ હાથ ધરી છે. 

ગળેફાંસો ખાઈ ટૂંકાવ્યું જીવન
પ્રાપ્ત વિગત અનુસાર, ગોંડલમાં કોલીથડ પાસે આવેલી હડમતાળા ગૌ શાળામાં 10 વર્ષથી ગૌસેવાનું કામ કરતા આત્મારામ ગોંડલીયા (ઉં.વ 50)એ ગતરોજ ગળેફાંસો ખાઈ જીવન ટૂંકાવ્યું છે.  મૃતક આત્મારામ ગોંડલીયાના મૃતદેહને પી.એમ.અર્થે ગોંડલ સિવિલ હોસ્પિટલમાં ખસેડવામાં આવ્યો છે. ગૌસેવકે ગળેફાંસો ખાઈને મોતને વહાલું કરી લેતા પરિવાર પર શોકનું મોજું ફરી વળ્યું છે. તો ગામમાં પણ ગમગીની ફેલાઇ ગઇ છે.

સૂસાઈડ નોટમાં ગૌ સેવકે અગ્નિદાહ કરવાનો કર્યો ઉલ્લેખ
ગૌ સેવકે આપઘાત પહેલા સુસાઇડ નોટ પણ લખી હતી. જેમાં તેમણે પોતાની મરજીથી આપઘાત કર્યોનો ઉલ્લેખ કર્યો છે. તેમણે લખ્યું છે કે, "કોઈએ કંઈ કીધું નથી, કોઈનો વાંક નથી હું મારા હાથે સુસાઈડ કરું છું, સમાધિ દેવાની નથી અગ્નિદાહ દેવાનો છે."