- ATMમાંથી પૈસા ઉપાડતા પહેલા જાણો આ નિયમો
- દર મહિને ગ્રાહકને મળે છે 5 ફ્રી ટ્રાન્ઝેક્શન
- 25000 રૂપિયાથી વધારેની રકમ પર ચુકવવો પડે છે ચાર્જ
દેશની બધી મોટી બેંક પોતાના ગ્રાહકોને દર મહિને એક નિશ્ચિત સંખ્યામાં ATM ટ્રાન્ઝેક્શન ફ્રી આપે છે. જો મહિનાની અંદર આ લિમિટ પુરી થઈ જાય છે તો ગ્રાહકોને દરેક ટ્રાન્ઝેક્શન પર ચાર્જ આપવો પડે છે.
ભારતીય રિઝર્વ બેંકની નવી ગાઈડલાઈન અનુસાર બેંક ફ્રી ટ્રાન્ઝેક્શનની સંખ્યાથી અલગ દરેક વિડ્રોવ પર વધુમાં વધુ 21 રૂપિયાનો ચાર્જ લઈ શકે છે. આવો જાણીએ કે કઈ કઈ બેંક એક મહિનામાં કેટલા ટ્રાન્ઝેક્શનની લિમિટ આપે છે અને તેના બાદ કેટલા રૂપિયા ચાર્જ કરે છે.
એક મહિનામાં કેટલા ફ્રી ટ્રાન્ઝેક્શન?
મોટાભાગની બેંક ગ્રાહકોને દર મહિને 5 ફ્રી ટ્રાન્ઝેક્શન આપે છે. જો તેનો ઉપયોગ ન કરવામાં આવે તો આ લિમિટ બીજા મહિને કેરીફોર્વર્ડ નથી થતી. આવો દેશની અમુક પ્રમુખ બેંકોના નિયમો વિશે જાણીએ.
PNB
PNB મેટ્રો અને નોન-મેટ્રો બન્ને ક્ષેત્રમાં પોતાના ATM પર દર મહિને 5 ફ્રી ટ્રાન્ઝેક્શનની પરવાનગી આપે છે. ત્યાર બાદ ગ્રાહકોને દરેક ટ્રાન્ઝેક્શન પર 10 રૂપિયા આપવાના રહે છે.
ત્યાં જ અન્ય બેંકોના એટીએમ પર PNB મેટ્રો સિટીમાં ત્રણ અને નોન-મેટ્રો સિટીમાં પાંચ ફ્રી ટ્રાન્ઝેક્શન આપે છે. તેના બાદ બેંક ટ્રેન્ઝેક્શન માટે 21 રૂપિયા પ્લસ ટેક્સ વસુલે છે. નોન-મની ટ્રેન્ઝેક્શન માટે બેંક 9 રૂપિયા પ્લસ ટેક્સ લગાવે છે.
SBI
SBI 25,000 રૂપિયાથી વધારેની સરેરાશ માસિક રકમ પર પોતાના ATM પર 5 મફત ટ્રાન્ઝેક્શન આપે છે. આ રકમથી ઉપર ટ્રાન્ઝેક્શન અમર્યાદીત છે. લિમિટથી વધારે નાણાકીય લેવડદેવડ માટે SBI એટીએમ પર જીએસટીની સાથે 10 રૂપિયાનો ચાર્જ લાગે છે. અન્ય બેંક એટીએમ પર આ દરેક ટ્રાન્ઝેક્શન 20 રૂપિયા પ્લસ જીએસટી છે.
ICICI
ICICI પોતાના ગ્રાહકોને દર મહિને નોન-મેટ્રો સિટીમાં 5 અને 6 મેટ્રો સિટીમાં 3 ફ્રી ટ્રાન્ઝેક્શન આપે છે. તેના બાદ આઈસીઆઈસીઆઈ બેંકના એટીએમ પર દરેક નોન-ટ્રાન્ઝેક્શ માટે 8.5 રૂપિયા અને દરકે નાણાકીય ટ્રાન્ઝેક્શન માટે 21 રૂપિયાનો ચાર્જ લેવામાં આવે છે.
HDFC
HDFC બેંકના ATM પર દર મહિને 5 મફત ટ્રાન્ઝેક્શનની મર્યાદા છે. નોન-બેંક એટીએમ માટે મેટ્રો સિટીમાં તેની મર્યાદા 3 ટ્રાન્ઝેક્શન અને નાન-મેટ્રો સિટીમાં 5 ટ્રાન્ઝેક્શન છે. લિમિટ પુરી થયા બાદ ગ્રાહકોને દરેક નાણાકીય ટ્રાન્ઝેક્શન માટે 21 રૂપિયા અને નોન-મની ટ્રાન્ઝેક્શન માટે 8.5 રૂપિયા ચાર્જ લેવામાં આવશે.
