નિર્ણય / કચ્છમાં થશે પાણીની રેલમછેલ: ખેડૂતો માટે 2, 304 કરોડના પાણીના સંગ્રહ અને વિતરણના કામોને લીલીઝંડી, જુઓ કયા કામ પાસ

• કચ્છનાં સરહદી વિસ્તારમાં નર્મદાનાં વધારાનાં પાણીનો કરાશે સંગ્રહ
• નર્મદાના વધારાના પાણીના સંગ્રહ અને વિતરણ માટે કામોને મંજૂરી
• રાજ્ય સરકાર દ્વારા 2304 કરોડના કામોને વહીવટી મંજૂરી 

 નર્મદા, જળ સંપત્તિ, પાણી પુરવઠા અને કલ્પસર વિભાગ દ્વારા કચ્છનાં સરહદી વિસ્તારનાં ખેડૂતો માટે રાજ્ય સરકાર દ્વારા નર્મદાનાં વધારાનાં પાણીનાં સંગ્રહ અને વિતરણ માટેનાં 2304 કરોડનાં કામોની વહીવટી મંજૂરી મળી ગઈ છે. ત્યારે ફેઝ ટૂ માં સધર્ન લિંક અને નોર્ધન લિંક માટે 2304 કરોડની વહીવટી મંજૂરી આપવામાં આવી છે. સધર્ન લીંક માટે સરકાર દ્વારા 1421 કરોડ તો નોર્ધન લિંક માટે 883 કરોડની વહીવટી મંજૂરી મળી છે. 

2304 કરોડના કામોને વહીવટી મંજૂરી 
કચ્છ જીલ્લાને નર્મદાનાં પૂરનાં વધારાના 1 મીલીયન એકર ફીટ પાણીનાં યોગ્ય સંગ્રહ, આયોજન અને વિતરણ માટે 2 તબક્કા અંતર્ગત સર્ધન લીંક અને નોર્થન લીંકની કામગીરી 2304.92 કરોડના અંદાજીત ખર્ચનાં કામોને વહીવટી મંજૂરી આપવાની દરખાસ્ત મંજૂર કરવામાં આવી છે.

રાજ્યમાં સિઝનનો ક્યાં ઝોનમાં કેટલો વરસાદ પડ્યો
રાજ્યમાં સિઝનનો કુલ 79.33 ટકા વરસાદ પડ્યો છે. જેમાં કચ્છ ઝોનમાં 135.80 ટકા, સૌરાષ્ટ્રમાં 109.04 ટકા, ઉત્તર ગુજરાતમાં 66.85 ટકા, દક્ષિણ ગુજરાતમાં 70.50 ટકા, પૂર્વ- મધ્ય ગુજરાતમાં 63.47 ટકા વરસાદ પડ્યો છે. ત્યારે સીઝનનો સૌથી વધુ વરસાદ કચ્છ ઝોનમાં જ્યારે સૌથી ઓછો વરસાદ પૂર્વ મધ્ય ગુજરાત ઝોનમાં પડ્યો છે.

ડેમમાંથી 50 હજાર ક્યુસેક પાણી નદીમાં છોડાયું
ભારે વરસાદ પડતા નર્મદા ડેમની જળસપાટીમાં સતત વધારો થઈ રહ્યો છે. નર્મદા ડેમની જળસપાટી 129.85 મીટર પહોંચી છે. ઉપરવાસમાં વરસાદથી ડેમમાં 49 હજાર ક્યુસેક પાણીની આવક થઈ છે. ડેમમાંથી પાણી છોડાતા હાલ જળસપાટી સ્થિર છે. વિયર ડેમ કમ કોઝ-વે 2 મીટર પરથી ઓવરફ્લો થયો હતો. ડેમમાંથી 50 હજાર ક્યુસેક પાણી નદીમાં છોડાયું હતું. જેથી નદીકાંઠેનાં તમામ ગામોને એલર્ટ કરવામાં આવ્યા હતા.

રાજ્યનાં 207 જળાશયોમાં 72.26 ટકા જેટલો જળસંગ્રહ
જળસંગ્રહની સ્થિતિમાં રાજ્યમાં 207 જળાશયોમાં અત્યાર સુધી 72.06 ટકા જેટલો જળસંગ્રહ થયો છે. જેમાં સરદાર સરોવર યોજનામાં કુલ જળસંગ્રહ શક્તિનાં 75.19 ટકા જેટલો સંગ્રહ થયો છે. 100 ટકાથી વધુ જળસંગ્રહ થયો હોય તેવા 65 જળાશય, 90 થી 100 ટકા જળસંગ્રહ થયો હોય તેવા 27 જળાશય, 80 થી 90 ટકા જળસંગ્રહ થયો હોય તેવા 27 જળાશય જ્યારે 70 થી 80 ટકા જળસંગ્રહ થયો હોય તેવા 9 જળાશય છે.