મનોરંજન / નેશનલ ફિલ્મ ઍવોર્ડમાં અલ્લુ અર્જુન બેસ્ટ એક્ટર, ગળગળા થયા અનુપમ ખેર, કહ્યું- જો મને ઍવોર્ડ મળ્યો હોત તો...

• હાલમાં જ યોજાયા હતા નેશનલ ફિલ્મ ઍવોર્ડ
• અલ્લુ અર્જુનને મળ્યો બેસ્ટ એક્ટરનો એવોર્ડ 
• અનુપમ ખેરે આપ્યું આવુ નિવેદન

69માં નેશનલ ફિલ્મ ઍવોર્ડની જાહેરાત થઈ ચુકી છે. 'ધ કાશ્મીર ફાઈલ્સ'એ નેશનલ ઈન્ટિગ્રેશન પર બનેલી બેસ્ટ ફિચર ફિલ્મનો નરગિસ દત્ત એવોર્ડ જીત્યો છે. કાશ્મીર ફાઈલ્સ માટે પલ્લવી જોશી બેસ્ટ સપોર્ટિંગ એક્ટ્રેસનો નેશનલ ઍવોર્ડ જીતવાથી ચુકી ગઈ. 

અનુપમ ખેર ફિલ્મને નેશનલ એવોર્ડ મળવાથી ખુશ છે. પરંતુ બેસ્ટ એક્ટરનો એવોર્ડ ન મળવાથી તે દુખી છે. જણાવી દઈએ કે બેસ્ટ એક્ટરનો એવોર્ડ અલ્લુ અર્જુનને મળ્યો છે. 

NATIONAL AWARD: Delighted and proud that #TheKashmirFiles won the prestigious and most important #NationalAward - Nargis Dutt award for #BestFeatureFilm on national integration. Not only as an actor but also being an executive producer on the film I am so happy for this… pic.twitter.com/Sdka6EOJoV

— Anupam Kher (@AnupamPKher) August 24, 2023

અનુપમ ખેરે કર્યું ટ્વિટ 
ટ્વીટ કરી અનુપમ ખેરે લખ્યું- "મને ખુશી અને ગર્વ છે કે ધ કાશ્મીર ફાઈલ્સે પ્રતિષ્ઠિત નેશનલ ફિલ્મ ઍવોર્ડ જીત્યો છે. એક્ટર તરીકે જ નહીં પરંતુ મૂવીના એક્ઝિક્યૂટિવ પ્રોડ્યુસર હોવાના કારણે પણ અમારી ફિલ્મને મળેલાં સન્માનથી ખુશ છું." 

તેમણે આગળ લખ્યું, "જો મને મારી એક્ટિંગ માટે પણ એવોર્ડ મળ્યો હોત તો મને ખૂબ ખુશી હોત. પરંતુ જો બધી ઈચ્છાઓ પુરી થઈ જાય તો આગળ કામ કરવામાં મજા અને ઉત્સાહ કઈ રીતે આવશે. ચલી પછી ક્યારેક... દરેક વિજેતાને મારી તરફથી શુભકામનાઓ. જય હો..." 

પોસ્ટ સાથે ફોટો પર કર્યો છે શેર 
અનુપમ ખેરે લાંબી પોસ્ટની સાથે ફિલ્મ ધ કાશ્મીર ફાઈલ્સની પોતાની અમુક તસવીરો પણ શેર કરી છે. કમેન્ટ્સમાં લોકો એક્ટરને શુભકામનાઓ આપી રહ્યા છે. ધ કાશ્મીર ફાઈલ્સ 2022ની સૌથી વધારે કમાણી કરનાર ફિલ્મ છે. તેણે બોક્સ ઓફિસ પર શાનદાર બિઝનેસ કર્યો હતો.