આજે એટલે કે 14 જૂને સુશાંત સિંહ રાજપૂતના નિધનને એક વર્ષ પૂરું થઈ ગયું છે. સુશાંતના ફેન્સ માટે આ દિવસ ખરાબ છે. ત્યારે સુશાંતની એક્સ ગર્લફ્રેન્ડ અંકિત લોખંડેએ સુશાંત માટે કર્યું આ કામ.
14 જૂને સુશાંત સિંહ રાજપૂતના નિધનને એક વર્ષ પૂરું થઈ ગયું
સુશાંતના ફેન્સ તેને યાદ કરી રહ્યાં છે
સુશાંતની એક્સ ગર્લફ્રેન્ડ અંકિત લોખંડેએ સુશાંત માટે કર્યું આ કામ
સવારથી જ સોશ્યલ મીડિયા પર અભિનેતાના નામનું હેશટેગ ટ્રેન્ડ થઈ રહ્યું છે. ચાહકોથી લઈને સેલેબ્સ સુધી તેની પ્રથમ પુણ્યતિથિ પર તેને યાદ કરી રહ્યાં છે. આ દરમિયાન અભિનેતાની આત્માની શાંતિ માટે અંકિતા લોખંડેએ તેના ઘરે હવન કર્યું છે.
સુશાંત સિંહ રાજપૂતની પ્રથમ પુણ્યતિથિ નિમિત્તે અભિનેત્રી અંકિતા લોખંડેએ તેના ઘરે હવન કર્યું છે. અંકિતાએ ઇન્સ્ટાગ્રામ સ્ટોરી પોસ્ટ કરી હતી, જેમાં તેણે તેના ઘરે રાખેલા હવનની ઝલક બતાવી હતી. વીડિયોમાં હવન કુંડમાં પવિત્ર અગ્નિ જોવા મળી રહી છે. આ સાથે જ અંકિતાએ સુશાંતના નામે દીવો પણ પ્રગટાવ્યો છે. અભિનેત્રીએ થોડા દિવસો પહેલાં સોશિયલ મીડિયાથી બ્રેક લીધો હતો. પરંતુ આજે અભિનેત્રીએ ઇન્સ્ટાગ્રામ પર કમબેક કર્યું અને નવી તસવીરો શેર કરી છે.
આ પહેલાં પણ અંકિતાએ એક પોસ્ટ શેર કરી હતી. અંકિતાએ શેર કરેલી તસવીરમાં તે દરિયાની પાસે ઉભી રહી આકાશ તરફ જોઈ રહી હતી. અંકિતાએ શેર કરેલી આ તસવીરના કેપ્શને લોકોનું ધ્યાન આકર્ષિત કર્યું હતું. તેણે કેપ્શનમાં લખ્યું- 'અંતરથી કોઈ ફરક પડતો નથી, કારણ કે દિવસના અંતે, આપણે બધાં એક જ આકાશ નીચે છીએ'. અભિનેત્રી આ પોસ્ટ દ્વારા સુશાંતના ચાહકોને ખાસ સંદેશ આપી રહી છે.
તમને જણાવી દઈએ કે, 'પાવિત્ર રિશ્તા'માં માનવ અને અર્ચનાની ભૂમિકામાં જોવા મળેલા સુશાંત અને અંકિતા રાતોરાત સ્ટાર્સ બની ગયા હતા. એકતા કપૂરનો આ શો એક સૌથી સફળ ટીવી શો છે. તેમની કેમિસ્ટ્રી હજી પણ તેમના ચાહકોના હૃદયમાં છે. શોમાં માનવને મિકેનિક તરીકે કામ કરતો બતાવવામાં આવ્યો હતો, જ્યારે અર્ચના ઘર સંભાળવાની ભૂમિકામાં હતી. ફેન્સને સુશાંતનો માનવનો રોલ ખૂબ જ પસંદ આવ્યો હતો, જેના કારણે તેની ફેન ફોલોઈંગ જબરદસ્ત વધી ગઈ. અંકિતા સાથેની તેની કેમિસ્ટ્રીએ પણ આ શોને સફળ બનાવ્યો.