દુઃખદ / રાજકોટમાં વૃદ્ધા પર ST બસ ફરી વળી, રોડ ક્રોસ કરવા જતાં અડફેટે લીધા, બંને ટાયર ફરી વળ્યા

રાજકોટ શહેરમાં પારેવડી ચોક નજીક એક દુઃખદ અકસ્માત બન્યો છે, જેમાં STની વોલ્વો બસે રોડ ક્રોસ કરી રહેલી વૃદ્ધાને અડફેટે લઈ લીધી હતી. આ સમગ્ર ઘટના નજીકના CCTV કેમેરામાં કેદ થઈ ગઈ છે, જેના આધારે અકસ્માતની વિગત બહાર આવી રહી છે.

આસપાસના લોકો વૃદ્ધાને સારવાર અર્થે હોસ્પિટલ લઈ ગયા

માહિતી મુજબ વૃદ્ધા રોડ પાર કરી રહ્યા હતા ત્યારે ઝડપથી આવતી વોલ્વો બસે તેમને ટક્કર મારી હતી. અકસ્માત બાદ આસપાસના લોકોએ તાત્કાલિક મદદ કરી અને ગંભીર રીતે ઈજાગ્રસ્ત વૃદ્ધાને નજીકની હોસ્પિટલમાં ખસેડવામાં આવ્યા હતા.

સારવાર દરમ્યાન વૃદ્ધાનું મોત

હોસ્પિટલમાં સારવાર દરમિયાન થોડા જ સમયમાં વૃદ્ધાનું મોત નીપજ્યું હતું. મૃત્યુ પામનાર વૃદ્ધાની ઓળખ જંગલેશ્વરના હુસેની ચોકમાં રહેતી હલુબેન ચાવડા તરીકે થઈ છે.

આ પણ વાંચોઃ રાજકોટમાં શ્વાન ભસ્યો તો પિતા-પુત્રે લાકડીઓ મારી-મારીને અધમૂઓ કર્યો, બચાવવા આવેલી મહિલાને પણ માર

પોલીસે ગુનો નોંધી ડ્રાઈવરને પકડવાની તજવીજ હાથ ધરી

આ બનાવ અંગે પોલીસે ST બસના ડ્રાઈવર રણજીતસિંહ વાઘેલા સામે બેદરકારીપૂર્વક વાહન ચલાવવાનો ગુનો નોંધ્યો છે અને વધુ તપાસ હાથ ધરવામાં આવી રહી છે.આ અકસ્માતે શહેરમાં ટ્રાફિક સુરક્ષાને લઈને ફરી એકવાર પ્રશ્નો ઉભા કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ