કેન્દ્રીય ગૃહમંત્રી અમિત શાહ આજે ગુજરાતના પ્રવાસે છે. ત્યારે તેઓએ અમદાવાદીઓને આજે મોટી ભેટ આપી છે. એ દરમ્યાન તેઓએ કોંગ્રેસ પર આકરા પ્રહાર કર્યાં.
Share
અમિત શાહે અમદાવાદમાં 4 સ્માર્ટ સ્કૂલોનું લોકાર્પણ કર્યું
અમિત શાહે કોંગ્રેસ પર કર્યા આકરા પ્રહાર
નરેન્દ્રભાઈની સરકાર આવ્યા બાદ 'કર્ફ્યુ' શબ્દ ભૂતકાળ થઇ ગયો: શાહ
અમદાવાદમાં AMC સંચાલિત 4 સ્માર્ટ સ્કૂલોનું અમિત શાહે આજે લોકાર્પણ કર્યું છે. જેમાં નારણપુરા શાળા નંબર-6, ઘાટલોડિયા શાળા નંબર-2, વાડજની ગાંધીનગર શાળા નંબર-2 અને થલતેજની શાળા નંબર-2નું ઉદ્ઘાટન કર્યું છે. આ સ્માર્ટ સ્કૂલો વિવિધ સુવિધાઓથી સજ્જ છે.
અમદાવાદમાં સ્કૂલોના ઉદ્ઘાટનમાં ગૃહમંત્રી અમિત શાહનું સંબોધન: કોંગ્રેસના શાસનમાં ગુજરાતમાં વારંવાર રમખાણો થતાં પણ નરેન્દ્ર ભાઈની સરકાર આવ્યા બાદ 'કર્ફ્યૂ' શબ્દ ભૂતકાળ થઈ ગયો#Ahmedabad@AmitShah#Gujarat
આ લોકાર્પણ દરમ્યાન અમિત શાહે સંબોધન કરતા કોંગ્રેસ પર પ્રહાર કરતા કહ્યું કે, 'બે પ્રકારના લોકો હોય છે. એક એ કે જે પાંચ વર્ષ સુધી કચ્છમાં પરસેવો પાડીને કામ કરે અને બીજા એવા માણસો પણ હોય છે કે જે ચૂંટણી આવે એટલે પાંચ મહિના પહેલા ઝભ્ભો સિવડાવી આવી જાય.'
અમદાવાદમાં સ્કૂલોના ઉદ્ઘાટનમાં ગૃહમંત્રી અમિત શાહનું સંબોધન: ગુજરાતમાં 24 કલાક સુધી વીજળી આપવાનું કામ ભાજપની સરકારે કર્યું, પહેલા એવો સમય હતો કે લોકો એમ કહેતા કે સાહેબ વાળુંના સમયે તો વીજળી આપો#Ahmedabad@AmitShah#Gujarat
વધુમાં જણાવ્યું કે, 'કોંગ્રેસના શાસનમાં ગુજરાતમાં વારંવાર રમખાણો થતાં પણ નરેન્દ્રભાઈની સરકાર આવ્યા બાદ 'કર્ફ્યુ' શબ્દ ભૂતકાળ થઈ ગયો. આજે ગુજરાતમાં રાતના 12 વાગે પણ 10 તોલા સોના સાથે દીકરી ગરબા રમવા જાય તો માતા-પિતાને ચિંતા કરવી પડતી નથી.'
અમદાવાદમાં સ્કૂલોના ઉદ્ઘાટનમાં ગૃહમંત્રી અમિત શાહનું સંબોધન: આજે ગુજરાતમાં રાતના 12 વાગે પણ 10 તોલા સોના સાથે દીકરી ગરબા રમવા જાય તો માતા-પિતાને ચિંતા કરવી પડતી નથી#Ahmedabad@AmitShah#Gujarat
એ સિવાય કહ્યું કે, 'ગુજરાતમાં 24 કલાક સુધી વીજળી આપવાનું કામ ભાજપની સરકારે કર્યું, પહેલા એવો સમય હતો કે લોકો એમ કહેતા કે સાહેબ વાળુંના સમયે તો વીજળી આપો. ગુજરાતની જનતા કોંગ્રેસ અને ભાજપની બરાબર ઓળખે છે અને તેથી જ આગામી પાંચ વર્ષ પણ અમારી સરકાર જ ચાલવાની છે. હું ગુજરાતનાં જુવાનિયાઓને કહીશ કે તમે તો કોંગ્રેસનું શાસન જોયું જ નથી, એટલે એવી ભૂલ ન કરતાં કે શાંતિ ડહોળાય, તમારા માતા-પિતાને પૂછજો ગુજરાત પહેલાં કેવું હતું અને હવે કેવું છે.'
ટ્રાન્સસ્ટેડિયામાં છઠ્ઠી અખિલ ભારતીય પ્રિઝન ટ્યુટી મીટમાં હાજરી આપશે
તદુપરાંત તેઓ કાંકરિયા પાસેના ટ્રાન્સસ્ટેડિયામાં છઠ્ઠી અખિલ ભારતીય પ્રિઝન ટ્યુટી મીટમાં હાજરી આપશે. એ સિવાય સાંજે 36મી નેશનલ ગેમ્સ 2022ના કાર્યક્રમમાં હાજરી આપશે અને મેસ્કોટનું અનાવરણ કરશે.
