અદભુત સફર / ICC મેન્સ ક્રિકેટ વર્લ્ડ કપની ટ્રોફી પહોંચી SOU, ક્રિકેટપ્રેમીઓ માટે મૂકાઇ ઐતિહાસિક પ્રદર્શનમાં

• ICC ક્રિકેટ વર્લ્ડકપની ટ્રોફી SOU પહોચી
• વર્લ્ડકપની ટ્રોફી SOU ખાતે પ્રદર્શન માટે મુકાઈ
• ટ્રોફીના વૈશ્વિક પ્રવાસના ભાગરૂપે પ્રદર્શન માટે રખાઈ

નર્મદા ન્યૂઝ: પ્રતિષ્ઠિત ICC મેન્સ ક્રિકેટ વર્લ્ડ કપની ટ્રોફી ક્રિકેટ વિશ્વનું શ્રેષ્ઠતા અને એકતાનું પ્રતીક છે અને એકતા નગરમાં સ્ટેચ્યુ ઓફ યુનિટી પણ સમગ્ર વિશ્વને ભારતની એકતા અને પ્રતિબદ્ધતાનું પ્રતીક છે, ત્યારે આ ટ્રોફી સ્ટેચ્યુ ઓફ યુનિટી ખાતે પ્રદર્શન માટે મુકવામાં આવી છે. 

18 દેશોના પ્રસિદ્ધ સ્થાનોની કરાવાઈ મુસાફરી
ટ્રોફીના વૈશ્વિક પ્રવાસના ભાગરૂપે એકતાનગરની પણ ઐતિહાસિક મુલાકાતનું આયોજન કરવામાં આવ્યું છે. આ ટ્રોફીને અવકાશની સાથે 18 દેશોના પ્રસિદ્ધ સ્થાનોની મુસાફરી કરાવવામાં આવી છે.

ટ્રોફીને નજીકથી નિહાળવાની મળી તક
આજે ક્રિકેટ પ્રેમીઓ અને સ્ટેચ્યુ ઓફ યુનિટીના મુલાકાતીઓને આ ટ્રોફીને નજીકથી નિહાળવાની દુર્લભ તક મળી હતી. સ્ટેચ્યુ ઓફ યુનિટી ખાતે ટ્રોફીની મુલાકાત ક્રિકેટની લોકપ્રિયતા અને વિશ્વભરના લોકોને એક કરવાની તેની ક્ષમતા બતાવે છે.

વર્ષની શરૂઆતથી શરૂ કરી છે સફર
ICC મેન્સ ક્રિકેટ વર્લ્ડ કપની ટ્રોફીએ આ વર્ષની શરૂઆતથી જ તેની અદભૂત સફર શરૂ કરી છે. તે પૃથ્વીથી 1,20,000 ફૂટની ઉંચાઈ પર આવેલ સ્ટ્રેટોસ્ફિયર સુધી પહોંચી હતી