પોલ્યુશન / દિલ્હીમાં અનિશ્ચિત સમય સુધી સ્કૂલો બંધ, જાણો કેજરીવાલ સરકારે હવે કેમ લીધો આ મોટો નિર્ણય

• રાજધાની દિલ્હીમાં વાયુ પ્રદૂષણથી સ્થિતિ ગંભીર બની
• કેજરીવાલ સરકારની મોટી જાહેરાત
• આગામી આદેશ સુધી સ્કૂલો અને કોલેજો બંધ 

દિલ્હી એજ્યુકેશન બોર્ડે રવિવારે એક નોટીસ જારી કરીને જણાવ્યું કે આગામી આદેશ સુધી ઓફલાઈન ક્લાસ બંધ રહેશે જોકે ઓનલાઈન શૈક્ષણિક કાર્ય ચાલુ રહેશે. ગત અઠવાડિયે પણ દિલ્હી સરકારે આવો નિર્ણય લીધો હતો અને 1 અઠવાડિયું સ્કૂલો બંધ રાખી દીધી હતી. દિલ્હીમાં વાયુ પ્રદૂષણથી કટોકટી ગંભીર બની છે. 

Air pollution: All schools in Delhi to remain shut for physical classes till further orders, online education to continue, says Directorate of Education

— ANI (@ANI) November 21, 2021

એડિશનલ શિક્ષણ ડિરેક્ટર રીતા શર્માએ જણાવ્યું કે પર્યાવરણ વિભાગે વાયુ પ્રદૂષણ ગુણવત્તા પ્રબંધન આયોગે આગામી આદેશ સુધી રાષ્ટ્રીય રાજધાની ક્ષેત્ર અને આજુબાજુના વિસ્તારોમાં તમામ સ્કૂલો તત્કાળ અસરથી બંધ રાખવાનો નિર્દેશ આપ્યો છે. તેથી આગામી આદેશ સુધી તમામ સરકારી અને ખાનગી સ્કૂલો બંધ રહેશે. 

અધિકારીએ જણાવ્યું કે ઓનલાઈન ક્લાસ અને બોર્ડ પરીક્ષાઓ અગાઉના દિશાનિર્દેશો પ્રમાણે ચાલુ રાખવામાં આવશે. દિલ્હી સરકારે વાયુ પ્રદૂષણને ધ્યાનમાં રાખીને 13 નવેમ્બરે તમામ સ્કૂલો અને શૈક્ષણિક સંસ્થાનો બંધ રાખવાનો આદેશ જારી કર્યો હતો.