સિન્ડિકેટ ખૂલી / અમદાવાદમાં ડ્રગ્સની હેરાફેરી કરતા ઝડપાયેલા 3 રીઢા ગુનેગારોએ પોલીસે સમક્ષ કર્યા મોટા ખુલાસા

• અમદાવાદમાં ડ્રગ્સ પેડલર પર તવાઈ
• ક્રાઈમ બ્રાંચે વધુ 3 પેડલરો ઝડપ્યા
• ડ્રગ્સ ડીલર ભાઈઓની તપાસમાં નેટવર્કનો પર્દાફાશ

અમદાવાદ ક્રાઇમ બ્રાન્ચે તાજેતરમાંજ એમ.ડી ડ્રગ્સ સાથે ઝડપેલા બે પેડલરોની પૂછપરછ દરમ્યાન વધુ ખુલાસા થયા અને અમદાવાદના જ ત્રણ પેડલરોની ધરપકડ કરવામાં આવી. પકડાયેલ આરોપી પેડલરો ફારૂક વોરા, મારુક અબદાસ અને સલમાન અબદાલ અગાઉ પકડાયેલા પાટીદાર બંધુઓ પાસેથી MD ડ્રગ્સનો જથ્થો ખરીદી છૂટક વેચતા હોવાની કબૂલાત પોલીસ તપાસમાં સામે આવી છે.

આરોપીઓની પૂછપરછમાં મોટા ઘટસ્ફોટ
પોલીસ ગિરફતમાં ઉભેલા આ ત્રણેય આરોપીઓ આમ તો રીઢા ગુનેગાર જ છે. પણ આ વખતે ડ્રગ્સની હેરાફેરી કરવાના કેસમાં ક્રાઇમ બ્રાન્ચે ફારૂક વોરા, મારુક અબદાસ તથા સલમાન અબદાલની ધરપકડ કરી છે. મહત્વનું છે કે તાજેતરમાં જ ક્રાઇમ બ્રાન્ચે રૂ 42 લાખના MD ડ્રગ્સના જથ્થા સાથે બે આરોપી ડાહ્યાલાલ પાટીદાર અને મોહનલાલ પાટીદાર નામના ભાઈઓની ધરપકડ કરેલી. જે બન્ને આરોપીઓની પૂછપરછ દરમ્યાન સામે આવ્યું કે અમદાવાદમાં હજી પણ પેડલરો છૂટક MD ડ્રગનું વેચાણ કરી રહ્યા છે.અને હાલમાં જ પકડાયેલ આ ત્રણેય પેડલરો બન્ને ભાઈઓના સંપર્કમાં હતા.

ડ્રગ્સ સિન્ડિકેટમાં કેટલી માછલીઓ છે
હાલ તો પકડાયેલા ત્રણેય આરોપીઓની ક્રાઇમ બ્રાન્ચ દ્વારા સઘન પૂછપરછ હાથ ધરવામાં આવી રહી છે. આ ત્રણેય આરોપીને પ્રાથમિક તપાસ દરમિયાન તેમનો ગુનાઇત ઇતિહાસ પણ સામે આવે છે અમદાવાદના કંઈક એવા પોલીસ સ્ટેશનમાં મારામારી સહિતના ગંભીર ગુનાઓ આરોપીઓ વિરુદ્ધ નોંધાવી ચૂકેલા છે. જોકે આ ડ્રગ્સ સિન્ડિકેટમાં હજી પણ કેટલાક પેડલરો અમદાવાદ માં જ ડ્રગ્સનું વેચાણ કરતા હોવાનું સામે આવતા પોલીસે તેમની વધુ પુછપરછ કરી રહી છે. મહત્વનું છે કે આગામી પૂછપરછમાં અમદાવાદના બીજા અન્ય કેટલાક ડ્રગ્સ સાથેના સંપર્ક આરોપીઓના સામે આવી શકે છે.