મોટી જાનહાની ટળી / અમદાવાદના શીલજમાં ભયંકર આગ, 20 ફાયરની ગાડીની લેવાઇ મદદ, JCBએ પતરાં તોડયા

Dinesh

Last Updated: 04:34 PM, 21 April 2024

FOLLOW ON

શેર કરો

Ahmedabad News: અમદાવાદના શીલજમાં મનન માર્કેટિંગ બેગના ગોડાઉનમાં વિકરાળ આગ લાગતા ફાયર વિભાગની 20 ગાડી ઘટના સ્થળે પહોંચી આગને કાબૂમાં કરી હતી

રાજ્યમાં આગ લાગવાની આજે બે ઘટના સામે આવી છે. અત્રે જણાવીએ કે, ઉનાળામાં આગના બનાવો વધુ બનતા હોય છે ત્યારે આ વખતે ઉનાળાની શરૂઆતથી જ આગના બનાવો વધી રહ્યાં હોય તેવું ધ્યાને આવી રહ્યું છે. આજે અમદાવાદના શીલજમાં અને અમરેલીમાં આગની ઘટના બની છે.

અમદાવાદના શીલજમાં આગની ઘટના
અમદાવાદના શીલજમાં આગ લાગવાની ઘટના બની છે. મનન માર્કેટિંગમાં બેગના ગોડાઉનમાં વિકરાળ આગ લાગી હતી. જે આગ કાબૂમાં લાવવા ફાયર વિભાગની 20 ગાડીની મદદ લેવાઈ હતી. તેમજ JCBની મદદથી ગોડાઉનના પતરા તોડયા હતા. જે પતરા તોડતા ધુમાડાના ગોટે ગોટા બહાર નીકળતા લોકોમાં ભયનો મહોલ સર્જાયો હતો. આ ઘટનામાં ગોડાઉનમાં રહેલો સંપૂર્ણ માલ બળીને ખાખ થયો હતો. સદ્દનસીબે રવિવાર હોવાથી જાનહાની ટળી છે. શોર્ટ સર્કિટના કારણે આગ લાગી હોવાનું પ્રાથમિક તારણ સામે આવ્યું છે.

વાંચવા જેવું: ગુજરાતમાં કોંગ્રેસ 26માંથી 23 બેઠક પર જ લડશે ચૂંટણી, 1 સીટ પર ફોર્મ રદ થયું તો બે સીટ AAP ને ફાળે

આંબરડીના જંગલ વિસ્તારમાં લાગી આગ
તો બીજી તરફ અમરેલી જિલ્લાના આંબરડીના જંગલ વિસ્તારમાં આગ લાગવાની ઘટના બની છે. ધારીના આંબરડી રેવન્યુ વિસ્તારમાં વિકરાળ આગ લાગતા અફરા તફરી મચી હતી. પાણીનો છંટકાવ કરી ખેડૂતોએ આગને કાબૂમાં લેવાનો પ્રયાસ કર્યો હતો. આગનુ વિકરાળ સ્વરૂપ થતાં ખેડૂતોએ તંત્રને જાણ કરી હતી. ઉલ્લેખનીય છે કે, આંબરડીના મોદળ વિસ્તારમાં વન્ય પ્રાણીઓનો વસવાટ કરે છે.