કાર્યવાહી / INSTAGRAM-WhastAapp પર આપો ઢોરના ફોટોઝ, અમે કરીશું કાર્યવાહી: જાણો ક્યાં તંત્રએ શરૂ કર્યું અભિયાન

• રખડતા ઢોર પકડવા તંત્ર ફરી અક્શન મૂડમાં
• 80 રખડતા ઢોરના માલિકો વિરુદ્ધ નોંધાઇ ફરિયાદ
• રખડતા ઢોરનો ફોટો મોકલશો તો કાર્યવાહી થશે

અમદાવાદમાં રખડતા ઢોરનો આંતક દિવસને દિવસે વધી રહ્યાં છે. સમગ્ર રાજ્યમાં રખડતા ઢોરના કારણે અનેક મુશ્કેલી વેઠવાનો વારો આવ્યો છે. રખડતા ઢોરના કારણે કેટલાય લોકોને જીવ ગુમાવવા સુધીનો વારો વાવ્યો છે. રખડતા ઢોરની સમગ્ર ઘટના હાઈકોર્ટના દ્વાર સુધી પણ પહોંચી છે અને જે બાબતે હાઈકોર્ટે પણ સમગ્ર ઘટનાને લઈ ટકોર પણ કરે છે. આ સમગ્ર બાબતે AMCએ અનેક અધિકારીઓની બદલીઓ અને સસ્પેડ સુધીની પણ કાર્યવાહી કરી હતી. રખડતા ઢોરની સમસ્યાને લઈ અમદાવાદના વિવિધ વિસ્તારોમાં ટ્રાફિકની સમસ્યા સર્જાય છે. જે અનુસંધાને ટ્રાફિક પોલીસ અને AMCનું ઢોર અભિયાન ફરી વેગવંતુ બન્યું છે.

રખડતા ઢોર બાબતે એક્શન 
અમદાવાદમાં રખડતા ઢોર બાબતે તંત્ર ફરી અક્શન મૂડમાં આવ્યો હોય તેવું લાગી રહ્યું છે. શહેરમાં રખડતા ઢોરની સમસ્યાને લઈ 80 જેટલા રખડતા ઢોરના માલિકો વિરૂદ્ધ ફરિયાદ નોંધાઈ છે. શહેરના નરોડા અને એસ પી રિંગ રોડ પર રખડતા ઢોરની સમસ્યા વધુ છે ત્યા રખડતા ઢોરનો ત્રાસ યથાવત છે. જે બાબતે અમદાવાદ પોલીસે રખડતા ઢોરના માલિકો સાથે બેઠક પણ કરી છે. જેમા રખડતા ઢોરની સમસ્યાના નિરાકરણ માટેની ચર્ચા કરી રખડતા ઢોરને છૂટા ન મુકવા અપીલ પણ કરવામાં આવી છે.

રખડતા ઢોરનો ફોટો મુકો અને એક્શન જુઓ
ટ્રાફિક પોલીસ અને AMCના ઢોર પકડવાના અભિયાનમાં પોલીસે પશુપાલકોને અપીલ કરી છે કે, ઢોરને રખડતા ના મૂકો. લોકોને રખડતા ઢોર બાબતે જણાવાયું છે કે, જો રખડતા ઢોર નજરે ચડે તો તરત જ ઈન્સ્ટાગ્રામ પર અને વોટ્સએપ નંબર પર ફોટો પાડી મૂકો. રખડતા ઢોરના ફોટા પાડીને મૂકવામાં આવશે તો તે બાબતે પોલીસ કાર્યવાહી કરવામાં આવશે તેવું જાણાવ્યું છે.