- અમદાવાદમાં સજાતીય સંબધનો 'હનીટ્રેપ'
- એપ્લિકેશન દ્વારા પ્રોફેસરને ફસાવતા યુવક
- દસમું પાસ,બે બેરોજગાર યુવક ઝડપાયા
એપ્લિકેશન થકી હનીટ્રેપ નો શિકાર કરતી ટોળકી ઝડપાઈ છે. અમદાવાદ ગ્રામ્ય સાયબર સેલ દ્વારા બે આરોપીની ધરપકડ કરી અન્ય ફરાર 4 આરોપીઓની શોધખોળ હાથ ધરી છે.. સમલૈંગિક સંબંધ માટે વપરાતી એપ્લિકેશન દ્વારા પ્રોફેસરને હનીટ્રેમા ફસાવી આ ટોળકીએ પાંચ લાખ રૂપિયા પડાવી લીધા હતા કોણ છે આ હનીટ્રેપ ગેંગ
અમદાવાદ ગ્રામ્ય પોલીસની કસ્ટડીમાં દીપેન પટેલ અને હર્ષિલ પટેલને આરોપી તરીકે લેવાયા છે. આ બંને આરોપી સમલૈંગિક સંબંધો માટે વપરાતી GRINDR એપ્લિકેશન પર ખોટા નામે એકાઉન્ટ બનાવી લોકો ને છેતરતા હતા. તાજેતરમાં જ એક નિવૃત્ત પ્રોફેસર ને સમલૈંગિક સંબંધો માટે અમદાવાદના નિર્ણયનગર પાસે આવેલા ગ્રીન સીટી ફ્લેટ માં બોલાવી તેમની પાસેથી રૂપિયા 5 લાખ પડાવી લેવામા આવ્યા હતા. જે અંગે પોલીસે તપાસ કરતા પોલીસે બે આરોપી ને ઝડપી લીધા છે. સાથે જ મારા મારી કરનાર અન્ય 4 આરોપી ફરાર છે. જેની પોલીસે શોધખોળ હાથ ધરી છે..
GRINDR એપ્લિકેશન એક એવી એપ્લિકેશન છે કે જ્યાં સજાતીય સંબંધો ધરાવતા લોકો વાતો કરે છે. અને એક બીજા સાથે મુલાકાત કરે છે. પરંતુ આરોપી દીપેન ખોટા નામે એકાઉન્ટ બનાવી લોકો ને છેતરતો હતો.ઝડપાયેલા બે આરોપી હર્ષિલ અને દીપેન માત્ર યુવકોને ફસાવી મળવા બોલાવતા અને ત્યારબાદ આ ગુનાના ફરાર ચાર આરોપીઓ બળજબરીપૂર્વક રૂપિયા પડાવી લેતા હતા પરંતુ સજાતીય સંબંધોના કારણે બદનામીના ડરે પોલીસ સુધી ફરિયાદ પહોંચતી નથી. જોકે ગ્રામ્ય સાયબર સેલને ફરિયાદ મળતા પોલીસે આ ગુનાના બે માસ્ટર માઇન્ડ ની ધરપકડ કરી છે.
પોલીસની તપાસમાં સામે આવ્યું કે બંને આરોપી ધોરણ 10 પાસ છે. અને છેલ્લા કેટલાક સમયથી બેરોજગાર પણ છે.. જેથી કરી લોકો પાસેથી રૂપિયા પડાવવાનો આ સરળ માર્ગ આરોપીએ શોધી કાઢ્યો. જોકે ધરપકડ બાદ અન્ય કેટલા લોકો પાસેથી રૂપિયા પડાવ્યા છે. તેની તપાસ પોલીસે શરૂ કરી છે.
